|
انا ودي معي تبحر على مركب هوى آمالي
انا مابيك تاخذني على مركب هوى رجواي = انا ودي معي تبحر على مركب هوى آمالي انا بي انتظاري طال لكن باقية هقواي = على ذاك الشعور اللي يجيبه شوق مرسالي لكن ياللاسف دايم مروح يوم انا له جاي = على كثر المقابل بيننا يقفي على اقبالي انا لو بتبعه حظي على عكسه يسوق خطاي = يجي بالعرض لو الدرب يمه راح طوالي تمنيتك تبادلني شعوري منيتي ومناي=ولكنك مخالف والبطى منّك برأ حالي حبيبي ياوّله فيني بك اوتاري وعزف الناي= جروحي ماتداوا غير منك وغيرك محالي وانا مهما يطول الوقت ماغيرّ معك مبداي=على لحن الوفا والعز غنيتك بموالي انا ما ودي إنك بالخطأ تسهد جميع اعضاي = ولاودي مجاديفي تّكسر وانت غربالي ترى يكفي ثلاث سنين متحمل عنا بلواي = تحملت الحمول وفيك مشغل فكري وبالي |
صح لسانك ياشاعرنا القدير بخيتان البشري
|
استنزاف مشاعر غارقه بالوجد في بحر الشوق واحتياج
العاشق للمعشوق بوح شاعر بالكود يستلقط انفاسه فحاول وحاول وهو على اخر رمق من قواه لستند على قشقة قيفان القصيده ليترك بين قيفانها ماترك سوى كان يشعر بهذا ام انه لازال في غفوة المنهك من تلاطم بحر الشوق الذي تسبب في **** هذه الفاتنه |
قصيده رائعه
بخيتان البشري صح لسانك وسلم فكرك وبيانك تحياتي |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
صح لسانك يابو البخت
قصيدهــ جزله من شاعر جزل |
صح لسانك شاعرنا القدير
استاذ بخيتان البشري على هذة القصيده الجزله مبدع ومتالق اخوي في كتاباتك الشعرية لاهنت ولاهان حضورك احترااامي |
[table1="width:95%;"] | [/table1]صح الله لسانك ولاهنت وسلم فكرك وبنانك دمت برعاية الله وحفظة |
الاخ القديرابومحمد صح السانك ودام عزك وبيض الله وجهك تسلم ياالذيب على هذي القصيده الشامخه والرائعه بروعة حضورك الغالي تقبل تحيتي وتقديري |
اقتباس:
|
الساعة الآن 06:32 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir