بعد مالزّم عليه امتطي صهوة جوادي = قامت افكاري تودي والهجوس تجيب ليه
واتذكر ماقفي والفكر بي للخلف عادي = للوراء ويفل قصة ماضية مرت عليه
ليلةٍ فيها القمر 16 او منها وغادي = يوم مريت المنازل شرق في ذيك النحيه
يومها كانو بوادي والمفالي سد وادي= جيتها والريم ترعى وسطها والشمس حيه
ثم ولعت الحطب والنار من قدح الزنادي= وقلت بابيتّ بعد فنجال بن الشاذليه
واقبلت فيها الحيا ثم اوقفت قامت تنادي= قالت اقلط وين تمسي ديرتك ماهي هنيه
قلت طرقي بعد شفتك كيف يهناني رقادي= عودّي يابنت غادي للبيوت اللي ذريه
كيف باقلط بعد قلبي صار متولع وغادي = قالت اقلط مانرد الضيف وعيونه شقيه
عندنا بيطيب زادك لا خلطته فوق زادي= والليالي مقفية وانته على ظهر المطيه
قلت لاوالله علومك ماتخرّط بي شدادي= من يقلك مانميز فالصواب وفالخطيه
والله ان الشوق زاد وزاد حرقّ لي فؤادي=مير عز النفس منعاته على مثلي قويه
من بغى فالعز يمشي غير يعلنها جهادي= مايطيع النفس يعذلها عن دروب الدنيه
بان علمي وذكريني وذكري علم المهادي= سجل التاريخ فعله ماتردى مع خويه

المشاركة الأصلية كتبت بواسطة نداء الغيداني (المشاركة 920501) صح لسان على هالقصيده الجميله وشي طبيعي تتصف بالجمال الشعري لان صايغها بخيتاااااان تحيتي بانتظار جد\يدك

بان علمي وذكريني وذكري علـم المهـادي
سـجـل التـاريـخ فعـلـه مـاتـردى مــع خـويـه


الله أكبر
كفو يا حربي

صح السانك وسلم بيانك
شاعرنا الكبير
بخيتان البشري