فهد المخلفي=
يامرحبا ترحيـب ياذخـر الاجـداد=يانسل حرب اهل الوفـا والمهابـه
عجت عواصيف السخط في بني عاد=وراحو بعد سـاس المعـزه نهابـه
على الحصني=
عسا البقا في ليلـة مثـل الاعيـاد=مـن هاجسـي ماقولهـا بالنيابـه
مدري وش الخيره معه يابن الاجواد=تدخل عصابه ثـم تطلـع عصابـه
فهد المخلفي=
حنا على اللي صار حضار شهاد=والشر منهو ياعرب فـك بابـه
مال للمناصب غير عريف سياد=لو بالزمن تاليه صـار انقلابـه
على الحصني=
خل البعير يسير مع درب الاذواد=ياكل ويشرب لاتعكـر شرابـه
انا بغيـت اغيـر بـلاد ببـلاد=لكن خفت من العتب والطلابـه
فهد المخلفي=
على الغدير العكر ياكـم صيـاد=والداب سمه يابو فـارس بنابـه
طنب الشرف ثبت من العام بوتاد=اللي يطيب كـل قرمـن لفابـه
على الحصني=
يابن عواضه كان عن علي نشاد=لاتدوره بيـن تربـه واللهابـه
ماكل ملح عندنا ياملـح الـزاد=ودك يطيب الرجل فاول شبابـه
فهد المخلفي=
اثر انطبع ياطيور شلوى على ماد=لادوره مري بـلا شـك جابـه