ياقلب ياللـي كـل ماجـاك عنـاك=مالك ومـال الحـب ياقلـب مالـك
متى تعلـم مـن جرايـر سوايـاك=وادروبـك اللـي كلبوهـا مهالـك
ماعلمـك وقتـك وكثـرة خطايـاك=بالله ياقلـب العنـا وش جـرالـك
ماتقتنـع .. والا تعشّـم بــذولاك=نجـل العيـون الذابحـات الهوالـك
اللي لهم كـم ابلـجٍ جـاه ماجـاك=والا .. تقول اّخـر مـداه ومدالـك
واصل مسيرك لو تعثـرت بخطـاك=لا .. لاتعزّز ..اّه .. عـزي الحالـك
خلـك بحالـك والمراكـب تعـداك=وان شفت ماعفتـه تذّكـر مقالـك
يومك تقول امشي على درب الاشواك=واقـول لـك ياقلـب واعزتـالـك
حتّام .. ماتسلى وتقنع وانا انهـاك=عنهم ولا لك غيـر رايـك ولالـك!
الا .. بعشق اللي لها طـرف فتـاك=ولاتنتقـي ياغيـر نجـلٍ حـوالـك
مانت متعلم مـن جرايـر سوايـاك=وادروبـك اللـي كلبوهـا مهالـك