ياباغِ السلامة لاتـتبع الغاوي يغـويـك=أحـذر الـشـيـطـان ورفــقـة الأشـرار
خذ من طريـق الحذر طـريـقـاً ينجـيـك=ترى بلـيـس وعمـيلـه يـوردك للنار
حـط بـالخـبـر قـبـل بـلاويـه تـلـفـيــك=لايــفــتـح لـك أبـوبـه لـيـل ونـهــار
تـعــرّفــه وأهــجــره قــبـل يـلـفــيــك=تـرى عـقاب الذنـب ماعـنه مـفـرار
غـضـب الله هـلاكً بـالـنـار يـرمـيـك=لاتصاغـر صغـار وتطلع لك كبار
يـاكــم مـهـلـكـة بـطـريـقـك تـنـاديــك=تـبـتـســم لـك وتــرفـع لـك أشــعــار
وأنـت الـحـكـم فـي وزن مــواطــيــك=كل داني وعزوف له قرار وإصرار
أحذر من الـشـرك مافي ربك تشكـيك=أعـظم الكبائر مافـيه صفحً ومعـذار
والــزلـــة فـــي قـــولــك وفــتــاويــك=مـا أشــيـن الـكـذب عـمـد وجــهــار
والـخـمــر الـلـي يـكـبّـر خــطـأيــاك=وقــول الــزور ونـفــث الأسـحــار
وظـلــم الـنـاس فـي حــقــوقً تـأويــك=وأكـل الـربـا ومـال أيـتـام قـصـار
والـقـتـل المحـرم وش الـلـي فيه باليك=والزنا والقذف بالمحصنات إضرار
وترك واجباً من غضب الرب ينجيك=وعـقـوق الوالـديـن وظلـمـك للجـار
أحـذر لاتـهـوي لـلـمهـالـك تـهّــويـــك=تـحـرفـك وتـبعـدك لـطـريـقً غـدار

المشاركة الأصلية كتبت بواسطة فواز الزويهري (المشاركة 904749) لاهنت وصح السانك تقبل التقدير والاحترام وفقك الله

المشاركة الأصلية كتبت بواسطة نافع الحربي (المشاركة 904788) لاهنت ياسعد صح لسانك وبيض الله وجهك على هالنصيحة جزاك الله خير لك التقدير والإحترام