العيد الاول فالمجالس قهاوي=والكل عايد صاحبه والمسايير
وأنا على خطن يزيد البلاوي=قفيت عنهم والمدامع شخاتير
في ذمتي ماني على البعد قاوي=يالله عسا ماتكره النفس لي خير
بالله يادكتورنا ويش ناوي=ماعاد ينفع لي شراب وعقاقير
أنا أشهد إن الحب ماله مداوي=كود النعامه تدفن الراس وتطير
ثم قاللي حنا سمعنا الشكاوي=بعطيك وصفه ثم تصبح على خير
لكن واحد ضرب واحد يساوي=قلت الحقيقه مالها كود تفسير
قلبي على قلبه وقلبه شقاوي=والحل واحد قلتها دون تفكير
لاياوجودي وجد شاعر وغاوي=يرثي وليفه والليالي مقادير
الوقت جاير به وقلبه هواوي=من شان خله حط سلمى على النير
لاحدن يلومه قلبه اليوم عاوي=مثل الذياب اللي عوت تالي اعصير
الجوع طاويها ولا به شواوي=يضوي حلاله واردن جمة البير
يعني على ماقيل رجلن فداوي=من دون خله ماحسب للمخاسير
وأنا مثل حاله تراني مهاوي=مرحوم ياعنتر ومرحوم يالزير
ياناس ليه الحب ماله مداوي=حتى الصيادل مابها من عقاقير
في ذمتي ماني على البعد قاوي=يالله عسا ماتكره النفس لي خير