|
رقم(1504)موجه ومامورمحلول(المعدل)حلته الكحيله صح لسانها
هذا لغز تحدي والريجيل ماينتحدون لكن بها اللغز ابا اتحدى
انشدك عن رجل موجه ومامور =ضمن الرجال موجّهين المسير يفتح على المحتاج وان جاله الدور=وليا قفل باب المحير تحير يصرف على رجل بما طاب معمور=اللي ليا وقف حصيله يغير |
ابوخالد بيض الله وجهك
الله يعطيك العافيه وصح لسانك |
صح لسانك يابو خالد وبيض الله وجهك وجاري التفكير
|
ابو خالد صح لسانك : وهذا اكيد شي انا ماعرفه
|
ابو خالد عندي رميعه خبيله
يمكن يكون الضمان |
صح لسانك يابو خالد على اللغز وعندي رمعة اقول فيها ( اللي ينقصونه من راتبك ) على شان يحسبونه للتقاعد
|
صح لسانك
ويمكن الكهرباء او الماء للمشتركين |
صح لسانك يابوخالد وبيض الله وجهك يالمحيط على الوافي والجزل
والله ياشايبنا شدني هاللغز وتحمست من اول ماقريته ومن قوة الحماس جا في بالي كذا رمعه واحترت في هاللغز المحير وسويت قرعه بين الرمعات إللي عندي وجيتك برمعتي مع الشرح وأنا والله مدري وش تقول في الوايت انشدك عن رجل موجهه ومامور<< الوايت مأمور من السائق ويحتاج توجيه في مسيره ضمن الرجال موجهين المسير<< الوايت ضمن المعدات إللي يوجها السائق في حالة المسير يفتح على المحتاج وان جاله الدور<< إذا وصل دور الوايت في التعبئه يفتح بزبوزه على الخزان إللي محتاج تعبئه وليا قفل باب المحير تحير<< إذا سكروا بزبوز الوايت واقفلوه تحير وانقطع امداده يصرف على رجل بما طاب معمور<< الوايت يصرف على الخزان إللي محتاج تعبئه سوا محتاج ماء او بنزين او غيره إللي ليا وقف حصيله يغير<< إذا فضى الوايت قالوا له حرك وعطونا الوايت إللي بعده |
هههههههه طرت في بالي رمعه ماهي حول الأولى
ولاتشره يابوخالد ترى التركيز ماهو بالحيل والقصد وانا اخوك المشاركه وش تقول في البليتين أو بخاخ الربو |
اقتباس:
|
الساعة الآن 05:53 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir