قال الذي يكتب سنة واحد الفين= قصة عذاب خطها فوق قرطاس
هي قصة اللي قالها بالعناوين= وأنا شعرت ابها ودقيت مرواس
يقول ودمعه على الخد ياحسين= ومن حر مابه قام يصفق بالأخماس
ياحسين وين الحب وين المحبين= وين الذي ياحسين حبه على ساس
ياحسين ليش الناس عني مصدين= وأنا فتحت القلب مقهى ومجلاس
حتى وليف الروح والقلب والعين= شربني الأمرار كأس ورى كأس
تخنقني العبره وطبعي غدا شين= مطعون في رمحن كما رمح جساس
عشرة سنين وتنتهي بظرف يومين=ياقوة الله صاير الحال منحاس
خطيت قيفاني بدم الشرايين= ونهيت نفسي مير ماني قوي باس
تكفين ياعين الشقا لا تهلين= انسي هوى ظبي تعلى با لأطعاس
دامه حرمك الشوف به لا تلدين= خليه في فاله معدوم الأحساس
يالله ياغفار ياقاضي الدين=إفرج لقلب منحمس فوق محماس
ضاق الفضا وشوف ربعي مقفين =محد نظر فيه ولاقال لاباس

[table1="width:95%;"]