ياهاجسي دام الشعر غاب معناه=أنا أشهد أنه فيك ماهو بغايب
عطني بيوت ٍ تجلي الهم والاه=عطني بيوت ٍ تجعل الجرح طايب
ياللي تبى تعذرب ترى الوسم تلقاه=الوسم حربي مابها من غرايب
يارد على الجمه ويشرب بميناه=جمه بها الماء من مزون السحايب
أسمع كلامي ياولد خل مبداه=خلك معي وأسمع معاناة شايب
شايب يبى فزعة قريب ٍ وخلاه=خلاه للي يطعنه بالحرايب
وقفى من المركز وحدقه نثر ماه=وأنا على اللسانه بسوق الركايب
ياشينها لا صارله منصب وجاه=لاش ٍ ولد لاش ٍ يرد القرايب
الطيب خلفه مادرى عنه وخفاه=الله وأكبر صايرن له حبايب
غره زمانه يحسبنه تحداه=غره زمانه مافزع للنسايب
لاياوجودي وجد من عاف دنياه=طفل ٍ يتيم ٍ عرضوه الطلايب
يوم العزى يبكى ولاحدن تضناه=والناس تضحك قدم عينه عجايب
وياوجودي وجد عود ٍ وخلاه=لاش ٍ ولد لاش ٍ بليا سبايب
ليت التمني ينفع اللي تمناه=والله والله لا خدمه بالنوايب
الطيب باقي والذويبي سمعناه=عشاء ضيوفه ورتكى لصعايب
وجاته من القبله مجاهيم وغناه=أغناه ربي لنه أنسان تايب
اللي بقوله ياعرب علم مانساه=الطيب يحيي ذكر من كان غايب
مقوى وداع الطيب ياناس مقواه=مقوى وداع الطيب بين القرايب
ياهاجسي دام الشعر جاك معناه=ترى القصيده أسمها ضيم شايب

يقول بن عيّاد وان بات ليله=رزقي على اللي ماتحاصى فعايله
قال الذويبي والذويبي حجرف=مثايلٍ من لبّة القلب قايله
ماني بولد هدلاٍ ليا قلّ كيله=جرف باهل بيته وضاقت محايله
انا ليا ضاقت عليّه تفرجت=ماني بهلباجٍ همومه تكايله