ليت من ينطق ولو كلمة صريحة=نشكره لجلة تكلم بالصراحة
الحقايق قولها ماهو فضيحة=ميزة الرجال صدقه والوضاحة
سّرك ان به منفعة للناس بيحه=تكسب اجر المنفعة واجر الاباحة
واعلم ان الكون والدنيا فسيحة=وكل ضيق يصير من بعده فساحة
وبعض خلق الله لهم خلقة مليحة=وزادهم ربي أدب فوق الملاحة
وبعضهم طبعه وعاداته قبيحة=وخلقته واصبح قباحة في قباحة
الروائح ذيك ريحة وذيك ريحة=بعضها منها تحس النفس راحة
وريحة الجيفة وفظلات الذبيحة=عافها اللي بالخلا نسمع نباحه
والمطايا متعبة وفيها المريحة=سمعة رجال الكرم واهل الشحاحة
واربط المتردية جنب النطيحة=والبكا ماهو أخير من النياحة
صغتها ياهل العقول اللي رجيحة=من بحر مافيه غوص ولا سباحة
لجل ينهض كل طايح من مطيحه= العزم والصدق أعز من الطياحة