بسم الله . الله اكبر فوق كـل الامـور= الواحـد المعتلـي وآياتـه المنـزلـه
والبنت هي جنة الدنيا وعطر الزهـور= من يجرح أحساسها أمه جعلهـا تثكلـه
بعض البشر فاقد الاحساس ميت شعور= اعصاب بنته من اسبابه غـدت منخلـه
دمعة قهرها الى طاحت تذوب الصخور= من جور ماشافت من الظلـم والبهذلـه
ويصير في درب بنته شوكةٍ في النحور= بشروطه اللي ثلاث ارباعهـا مهزلـه
احيان عذره براتبها سنه مـع شهـور= وصراع مع زوجته كلٍ يبي مـن هلـه
واحيان يبغى يكمّـل منزلـه كـم دور= ويكمّل بروح بنتـه قبـل مـا يكملـه
واحيان يبغى عيال عمومته لـه تـزور= واحيان يبغى زميل وصاحبٍ في عملـه
وتصير عانس ويكتبها الزمن في سطور= وذنوب في عنق ابوهـا دائـم مكبلـه
يقرأ ويكتب وهو في نهاية الدرس ثور= مـا فـاده العلـم عذبهـا وزاد جهلـه
لا تعذبون العذارى لجل دنيـا الغـرور= في المجتمع كلهن خيـر وجمـال وولـه
هن الجمال وحياة الارض عبر العصور= ما اكرمن الا كريم من الرجال الـ .هله

المشاركة الأصلية كتبت بواسطة رابح الجحدلي (المشاركة 866759) صح لسانك مليون على القصيده والله يـعـطـيـك الـعـافيـــــــــــة بيض الله وجهك

المشاركة الأصلية كتبت بواسطة فيصل حمود الوافي (المشاركة 866828) صح لسانك وسلم بنانك قصيدة رائعه بروعة حضورك لك تقديري