الاوله=
على البحر والنسايم همس = يشجيك شادي طوارقها
عدت عليا ليالي خمس = عيني عن النوم سارقها
كل مابدالي جمال الشمس = في غروبها وفي مشارقها
تطري علي سنين الأمس = وأرواح كم لي مفارقها.
الثانيه.=
عندي أدله وعندي شهود = لو أحوج الوقت لقضاها
بانت خفايا القلوب السود = اللي بها حسد غطاها
الثالثه.=
بكره يلف الزمن وتشوف = اللي معك والذي ضدك
ياكم تنزل عليك سيوف = من ناس أعطيتهم ودك
الرابعه=
.لاغاب عنك الصديق البار = مفروض تنشد عن أخباره
من خوف جسر الوصل ينهار = ووهج الغلا تنطفي ناره