هيّا اسمعوا يا اُولي الألباب= وأمثالكم يفهمون القيل
بي جرح ضارب عليه حجاب = وانا معه فإعتدال وميل
كل ما ذهب للنهار غياب = قام انتقض مع سكون الليل
ما هو سبب جفوة الأحباب = ولو انهم ذوقوني ويل

المشاركة الأصلية كتبت بواسطة هزيم الرعد (المشاركة 857026) هيّا اسمعوا يا اُولي الألباب= وأمثالكم يفهمون القيل بي جرح ضارب عليه حجاب = وانا معه فإعتدال وميل كل ما ذهب للنهار غياب = قام انتقض مع سكون الليل ما هو سبب جفوة الأحباب = ولو انهم ذوقوني ويل

من دون مِرسال أو نجّاب=نسمع من أهل المثل تفصيل
وعطفآ على معالج الأصحاب=لك جرح سويت لُه تحليل
وشِفت المعاناه والأتعاب=تحُّط بين العِضا وتشيل
لكِّنك المرتجي ماخاب=مهما يكون العذاب مهيل

المشاركة الأصلية كتبت بواسطة هزيم الرعد (المشاركة 857026) هيّا اسمعوا يا اُولي الألباب= وأمثالكم يفهمون القيل بي جرح ضارب عليه حجاب = وانا معه فإعتدال وميل كل ما دنا للنهار غياب = قام انتقض مع سكون الليل ما هو سبب جفوة الأحباب = ولو انهم ذوقوني ويل

انا سمعتك وغيري جاب = وعندي على جابته تعديل
لجلي على عالي المرقاب = ونازل منازل مجر سهيل
يامعاني الجرح ماينساب =للسقم والويل والتنكيل
كم جرح بعد المعالج طاب = لعلاجه إبدا بخطوة ميل

المشاركة الأصلية كتبت بواسطة ماجد ابومديده (المشاركة 857061) كسره رووووووووووووعه ولاونه ولاباس ياهزيم الرعد وتقبل ردي المتواضع من دون مِرسال أو نجّاب=نسمع من أهل المثل تفصيل وعطفآ على معالج الأصحاب=لك جرح سويت لُه تحليل وشِفت المعاناه والأتعاب=تحُّط بين العِضا وتشيل لكِّنك المرتجي ماخاب=مهما يكون العذاب مهيل أبومديده

انا اشهد إنك دخلت الباب=وتبقى علامة لهذا الجيل
من دون تسأل عن الأسباب=ولا شفت من جانبي تعليل
نشّنت يم الهدف بحساب=من دون زيغة ولا تضليل
مشكور الشاعر الجذاب=اعطيت وصفك على التكميل

المشاركة الأصلية كتبت بواسطة البيرق المنصور (المشاركة 857069) بدع ورد ولا احلى يعيش الحرف لرجاله

المشاركة الأصلية كتبت بواسطة ساهر الليل (المشاركة 857072) صحت اللاسن بيض الله وجيهكم ابدعتم بارك الله فيكم