البارحه كني يتيم ٍ ومظلوم=بين أربعة جدران نفسه حرمها
في دار عمه يالربع صار محروم=نفس ٍ صغيره ضيقو في نسمها
عمه لامن شافه يسبه ولايروم=والعمه القشرى سرح في غنمها
أمه توفت بعد ما صارله يوم=وأبوه ميت مادرى عن وحمها
يسمع وراعين ٍ تصوت مع القوم=مامه يامامه وأنقهر ما زهمها
ضاقت به الدنياء ولا هو بملزوم=عزاه يادمعه بصدره كتمها
سن الطفوله وأنتهى همه هموم=من بعدما شاف البكار وسمها
قلبه تولع في بنيه ومصدوم=وين الكلام اللي تقوله بفمها
ياعنك همه قدم عينه ومردوم=من يوم قالت فرصتك وغتنمها
أنته فقير ٍ ياولد مالك أكموم=ترى الحباري مانت ماكل لحمها
أنا زواجي بعد بكره ومعزوم=أنته وعمك لو أنفسك ظلمها
ينظربها والدمع من عينه يعوم=من قبل لاتمشي مشى ثم لزمها
ثم قال يازين الخلايق خذ علوم=ماينفع النفس الحزينه ندمها
الله يباركلك وأنا بقدر أقوم=شافت عيوني ناس باعت ذممها
في دار عمي يالغلاء كنت محروم=نفسي صغيره ضيقو في نسمها
ياهل الشعر مابه حقيقه ترى زوم=تصوير شاعر والصور من فهمها

[table1="width:95%;"]