باسم الذي بامره تسير السحايب=ويسوقها بأمره وتسقي لها دار
مدبر الأكوان فيها العجايب=يسمع دبيب النمل في داخل الغار
اطلبك ماغيرك يجيب الطلايب=انته ملاذ العبد لاصار محتار
بالأمس سرنا عكس مجرى الهبايب=ونعاكس التيار مارد ومصدار
حتى الخطا في وضعنا صار صايب=نشوفها جنه ولو قالوا النار
وياما اقترفنا من ذنوب ومصايب=في شرعنا متساويه صغار وكبار
وصار الذي ماله فبالي حسايب=ولامر في شاشة خيالي والأفكار
وتبعدوا الخلان وأقفوا الحبايب=حتى خويي اللي معه كل الأسرار
يارب قلبي فيه شبت لهايب=وخايف ضلوعي من حرارته تنهار
ومن صدمة ايامي شف الراس شايب=وتخالطت سود الليالي بالأقمار
واليوم ياربي انا جيت تايب=ومن الندم في وجنتي سالت انهار
صحيح انا مذنب وكلي معايب=بس الأكيد انك قديرن وغفار
اخوكم=
القناص2020=

المشاركة الأصلية كتبت بواسطة متعب الفهيدي (المشاركة 848166) الشاعر المميز عبدالرحمن الشريف صح السانك هنا عشت مع كل حرف وهنا تذوقت الشعر النابع من القلب لله درك وسلم فكرك وغفر الله لنا ولكم ماأجمل الشعر عندما يصور الحاله بدون تكلف ومااجمله عندما يصدر من القلب فهو يصل الى القلوب ويعانق المشاعر سوف اظل هنا كثيرا الى موعد النص القادم تقبل تحياااتي

المشاركة الأصلية كتبت بواسطة ناهس الشعيفاني (المشاركة 848291) الشاعر / عبدالرحمن الشريف صح لساانك وبيض الله وجهك قصيده جزله ورااائعه فيهاا الاحسااااس الصادق والتعبيرر الرااائع لاهنت وعسى ربي يقبل توبتك صحيح انا مذنب وكلـي معايـب بس الأكيد انك قديـرن وغفـار