عايد=
فتشت ماضي دفاترنا= لقيت قاضي الهوى ماضيه
باللي نشوفه وينذرنا= اخطر من اللي نرى ياتيه
الكرنب=
اسمع فالاقوال حاضرنا= قبل المثل اخذه واعطيه
ولنك تأكدت سايرنا= حنا قانونه معك نجريه
عايد=
حاور فالاقوال صادرنا= يمديك تقراه وتقريه
اما تأيد وتعذرنا =ولا ترى ما ترى وانهيه
الكرنب=
هذا على قيد خاطرنا= بعد اطلاعي على قافيه
اما سوى في الحكم سرنا= ولا انتكاتف على صافيه
عايد=
نبغى نصدر اوامرنا= برأي واحد سوى نمضيه
ما دام صفوه يعكرنا= نشطب سجله ابد نلغيه
الكرنب=
عن انسنا لو تقاصرنا =نخشى يجي يوم في طاريه
يجرح فؤادك ويجرحنا= ونسير كلاتنا نبكيه
عايد=
ياما اشتكينا وعبرنا =وانت تجاهل بما نعنيه
ما انت على الحق ناصرنا= تنظر وطرفك عنه تغضيه
الكرنب=
ما دام بانت اشابرنا =الانس لو باعنا نشريه
ومن عاد يبقى يناصرنا= يسلم الانس باللي فيه