فواز الزويهري =
يامرحبا والمعاني جداد=وأهلا وسهلا مية مليون
مثلك نعده من الرواد=اللي على الصافية يردون
بيان الصمت=
تبقى لأصلك عريب أجداد=دايم على الطيبة توفون
لك فالمثل صافي الميراد=ينعد رمزه لمن يقرون
فواز الزويهري=
إن كان وقتك لنا يزداد=ونشرح لك اللي بنا مكنون
يمكن نلاقي دوا وضماد=ويذوق طعم المنام النون
بيان الصمت=
الجو يصفا بلا ميعاد=ولهل الصفا تستهل مزون
والحل دايم مابين أضداد=من ساسها يعرف المضمون
فواز الزويهري =
اسهيل عن مرقبه لا حاد=والناس بالعين له يرعون
والشمس ناقد من النقاد=كيف أعدله في مسار الكون
بيان الصمت=
اسهيل واحد من الشهاد=وأهل الزمن للنظر يغضون
ومنظارهم يعكس التعداد=أثبت قياسك عله اظنون
فواز الزويهري=
البيت لا خالف الأوتاد=كيف العرب فيه يتذرون
جاك النبا وإرسل الإفاد=مكتوب من يمنا بقانون
بيان الصمت=
لزوم ساس البيوت عماد=حوله صوادر وله يردون
مايضره مخالف الأسناد=وإن مال أهله عنه يمشون
ولكم خالص التقدير=

المشاركة الأصلية كتبت بواسطة ولد الساحل (المشاركة 839588) اخواني الشعراء فواز الزويهري وبيان الصمت صحت السنتكم وبيض الله وجيهكم على الابداع وليس بغريب على شعراء مثلكم ويعطيكم العافيه تقبلو مني كل تقدير واحترام ودمتم بخير