يامحمد اسمع ترى بيني وبينك حساب=وبين الاصاحيب ياحلو الغلا والعتاب
انته جمل والجمل لازم بحمله يقوم=الله يعينك على الدنيا وصكاتها
محمد بن راضي=
ترى الذي بيننا ماياصل المشكله=مير الشدادي علومه صايره مذهله
الحمل شلناه لاكن باقين لك علوم=لاصرت عند العرب طامع بهقواتها
بندر الشدادي=
ان كان عندك يهون الوضع يابو شنب=مافيه داعي تزيد النار قاز وحطب
اتقولها وانت لامعطى ولانت محروم=تضحك مع الناس واتطبق حركاتها
محمد بن راضي=
الوضع هيّن واعيد القول ماتنتهي=لاكن دور بدلها صار ماهي بهي
خير الامور الوسط في قول مرسل لقوم=نضحك مع الناس ونركز بنياتها
بندر الشدادي=
لاوالله الاّ على عقلك نقول السلام=منته مصادم جبل لا وعلي الحرام
بعض العرب ينفضح لو يستتر بالهدوم=والناس ماني مجازيها بغلطاتها
محمد بن راضي=
اللي سمع قول بندر قال هذاك وش=مايدري انه ضليع بصاعقه ينفرش
لو احذفه بالبحر يغرق بموجن يعوم=والناس سبحت بحورن مع محيطاتها
بندر الشدادي=
يامحمد اللي بنا من قبل واللي هدم=حنا رموز الشعر وانتم رعاة الغنم
يلي سبحت البحر ليتك تحج وتصوم=مالك ومال البشر تفرح بغراتها
محمد بن راضي=
لاوالله الاّ كلامك صار ماله ثمن=نبيّنا قد رعاها قلتها في علن
حنا خذينا الذي قلته وفعل وعزوم=من فعلنا ياكثر ناسن برملاتها