رسالة وصلتنى من صديق عزيز ولاأعلم أن كانت من قوله أو منقوله
ولقد ردينا عليه بعجل أتمنى أن تعجبكم الرساله والرد أطيب الاماني للجميع

رسالة صديقي

في راس مرقابن تصافق به النود
ورجمن عليه الرمل مرخى خشومه

أرضه صفا وشعاب وجبال ونفود
من ذب رأسه ما تذكر همومه

ذكرت منهو يكسب الطيب والجود
اللي لبسها مثل لبسة هدومه

يومن ذكرته قلت ياليت موجود
يأخذ سوالفنا ونأخذ علومه

شرواك ربعن كنهم ريحة العود
جلساتهم عن الردي محشومه


ردي على الابيات السابقه


يا مرحبا ترحيبتن كلها سنود
يفطر عليها صايمن عقب صومه

ترحيبتن عن المراحب بها زود
حيثن أنها باللي جزيله سلومه

جزل الرجال اللي على العز والكود
اللي بعرش الطيب بانت رسومه

فخر الرجال اللي على الطيب محمود
بالطيب تشهد له حتى خصومه

يا اللي غلاكم ماله بقلبى حدود
الله يدوم الوصل الله يدومه