محمد الكنيدري =
سلام نفحه رحيق ازهار = ينصاك فايق مع اشواقي
ياحمد حسن ارسل الاخبار = من شعرك العذب والراقي
البيرق المنصور =
ترحيب بالورد والاعطار = اللي بنفح الشذا فاقي
يانسل الاجواد والاحرار = كل شي على ماهو باقي
محمد الكنيدري =
لي قلب يشكي لهيب النار=ودمعي حدر حدرت الساقي
كل مانهيته يزيد اصرار= لين القلم اتعب اوراقي
البيرق المنصور =
ماارضى عليك اللهيب الحار = قلبي لشرواك يفتاقي
ارجوك قولي عن اللي صار = لاتزود الجرح فاعماقي

محمد الكنيدري =
خابرك شاطر من الشطار= وبرسل لكم بعض اللحاقي
مجمل حياتي شقى واكدار= وهموم تدفق تدفاقي
البيرق المنصور =
مايقبل الكابتن الطيار =الآ معاون وسواقي
مايهاب للبعد والاسفار = والحاقكم يعرف انطاقي

محمد الكنيدري =
عندي منومس من الاخيار= وموثقه كل ميثاقي
مير الشقي هايم الافكار= كل مالتفت لاح براقي
البيرق المنصور=
مختار يمشي مع مختار = ماهو مع الغير متلاقي
لوكان ماكثر الانظار =مايقول ضاقت بي اخلاقي

المشاركة الأصلية كتبت بواسطة بخيتان البشري (المشاركة 823826) القدير محمد الكنيدري والقدير البيرق المنصور محاورة رائعة وإن لم تكتمل وسوف تكون اروع بعد إكتمالها اصح الله لسانيكما وادام عزكما

محمد الكنيدري =
سهم النظر لامتكن جبار= ويحرق لك القلب بحراقي
واللي بليبه وعاش الكار= ينساه ويعود يشتاقي
البيرق المنصور =
الله عطى العالمين ابصار = وصاروا قبايل واعراقي
ذي دبره الخالق الغفار = فالوصل وان كان ففراقي
واعلم بان الطوال اقصار = ومن قدم الخير بيلاقي
الطيب والعز والمقدار = وفوقت الاشراق الاشراقي