|
الى الشاعر عبدالله بن عتيق الحنيني
الى الشاعر القدير((( عبدالله بن عتيق الحنيني)))
ا هات القلم قدام لايســـــــــــري الليل هات القلم هاته وعجــــــــــــل عليه بكتب وبرسل لي حروف ومراســـيل لـــعـل مــاتكـــتب عليهـــا خطـــــــيه لإبن عتيـــق اللـــــي يحب التعالـــيل عبدالله اللي كــــل راســـــه حمــــيه حربي ومن نســـل الرجال المشاكيل اهـــل الوجيه الغانمـــــه والوفــــيه تاجر ومتعـــود لكســب المحاصـــيل يكســب براس المـــال مــيه بمــــيه مبعــدعــن الرديان والقال والقــــيل واهل الطرب والعود والسمسمـــيه متعــــودً دايـــم لشرب الفناجـــــــيل كيفــــه مـــن البراد والشاذلــــــــيه فارس ومن ركابت الجيش والخــيل وانا بعـــد مثله عزومـــي قــــــ،ويه مرتاح بالي لين اشوف المداهيـــل واذكر زمــانن فيه روحـه وجـــــيه يوم القمر يبرى له الجدي وسهــيل يقفــي وانامــابين هـــــــاذي وذيــه ماهمني ياكود سمـــح المقـــــــابيل راع العيون اللــــــي تجيب المنيــه روح ولاهي عــــــــادته بارد الحيل ايديه كــــــانت مـــــــــاتفارق يد يه مغــــير ادله خاطــــــري بالمواويل لاعـــــاد له عـندي ولاعــــــــاد ليه من سبتــــه عينــــي تهل الهمـــاليل كيه يمين القلــــب ويســــــــار كيه ياصــــــــاحبي ذقت العنى والغرابيل الحــــــــــــــب بلوى والمشاعر نديه هذ الكـــــــــــلام وعادته بارد الحيل ايجـــــــــــازي الحسنه بعشرين سيه |
اقتباس:
قريت خطك يا جزيل التماثيــــل=يامرحبا حييت والنار حيــه ياشاعرن ما في كلامك مداخيــل=شرواك بين الناس له قابليــه غالي على اسمك با الغلا ماش تاويــــل =من لابتن با المجد ماهي خفـيـــه اللي مثل شرواك يستاهل الهيــل=والعود الازرق والشحم مقدريـــه قدر الكرام اللي على غير تبديــل=سلمن عليه جدودنا الاوليـــه سلم النشاما واليالي مقابيــل=ولا عندنا في تركت السلم نيــــه واللي مثل شرواك كيف المعاميـــل=كيفه ولا يحتاج مني وصيــــه وشكواك تخفاني خفايا التفاصيــل=لو بان بعض املابسات القضيـــه تشكي غرام ام الرموش المضاليــل=بسهومها تشقا العيون الشــقيـــه الجادل اللي تدعج العين با الميـــل=تجني على بعض النفوس الــبريـــــه وحب العذارا علت العصر والجيــل=وراع الهواء كم جاذب السامــريــــه يشكي عذاب ام الترف والخلاخيــل=من حبها قد هام باالمهمهيـــه عقب الغلا ذاق العنا والبهاذيــل=ومن الغرام العذب للمكرهيــه وكثرهن اللي للخطايا محابــيل=والثلث منهن با الحراوي نقيــــه وحب الشرف مافيه يا القرم تاجــيل=وترا مهر بنت النشاما علـيــــه ابختصر دعواك ما ودي اطـــيل=وختامها مني سلام وتحـيــــه |
علي بن ربيعان صح لسانك وبيض الله وجهك
وعبدالله الحنيني صح لسانك وبيض الله وجهك |
ياسلاااااااااااااام
الشاعر غالي بن ربيعان الحربي بيض الله وجهك وصح الله السانك ابدعت ونصيت ونعم فيك وفيه والشاعر عبدالله بن عتيق الحنيني بيض الله وجهك رد رائع وكفو من كفو صح الله السنتكم وتقبلوا اجمل التحايا ودمتم ودام ابداعكم |
صوت و صدى .. كلاهما رائعين .. بوح رائع من شعار يعرفون مواطن الجماااال جيداً اخواني الشاعر غالي + والشاعر عبدالله صحت السنتكم وبيض الله وجيهكم وتقبلومني هذه المرور المتواضع ولكم فائق تحياتي العطره |
الله الله
صح لسانك يا ابن ربيعان و بيض الله وجهك على هالقصيدة الجزلة و اشهد بالله انك وجهتها لـ رجااااااااااال كفوووووو شاعر الملتقى كما لقبوك الجمهور / عبد الله بن عتيق الحنيني صح لسانك على الرد الجميل و السريع ماشاء الله عليك يا ابا خالد سريع رد و سريع بديهة الله لايظرك ... و بانتظار جديدكم |
عبد الله
صح السانك وبيض الله وجهك ياولد العم وفيت |
شكراًلكل الاعضاء الذين تشرفت بمرورهم على متصفحي والرد على المساجله |
اقتباس:
والله يعطيكم العافيه بيض الله وجيهكم |
اخوي العزيز غالي ربيعان الحربي
حياك الله وتستاهل الوفا والتقدير طال عمرك واقول صح السانك انت شاعر جزل وارد على الجم الغزير الله لايضرك اقولها بدون مجامله واشكرك وشكر موصول للاخوان العزيزين الشاعر بخيتان البشري والشاعر ابن خيرالله الردادي والشاعر فهد الغرابي والاستاذ العزيز // حميدان العوفي والاستاذ // رابح الجحدلي على الحضور والاشاده واقول ماعليكم زود تحياتي وتقديري للجميع |
الساعة الآن 12:19 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir