سلام الله يابو ماجد سلام يرّجح الميزان = اباهدي لك عبير الورد والفل ورياحينه
واباهدي لك تحيه وافيه تنصاك ياكحيلان = تحية طيب للي عندنا ترجح موازينه
واباكتبلك من الأبيات مايمليبه الوجدان = وليا منك قريت البيت بانتلك مضامينه
انا مرت علي سنين اكابدها أساء واحزان = اخذت من الزمان اقساه ولفتني طواحينه
تكالبني الهموم اللي تهد الحيل والأبدان = بسبت واحدن يرسل سهوم الموت من عينه
اسرني في هواه وكنت انا اللي مانحني لنسان = الآ يالله عسى دمه يوقف في شرايينه
قوي الباس عديم احساس بشر في داخله شيطان = موردني حياض الموت يامقوى شياطينه
ولآمني تضايقت وطرالي صاحبي كحيلان = يزيل الهم عن قلبي ويبرى الجرح من حينه

(( هلا ياشاعر الجيلين وهلا يافارس الميدان = لفنا من بعد غيبه طوى عقدن من سنينه
زهمني قال يافايز توألّم جاتك القيفان = ترى ببدى معك ياذيب قبل لاأنزل ميادينه ))
لذى حييت ياستاذي هلا ياخيرة الصدقان = يابو محمد لفيت بطيب من الورد وبساتينه
هديتكم لنا جوهر وهذي عادت الفرسان = تمد الجوهر الغالي لمن يعرف مثامينه
الآتدري ترى حرفك عجبني فرسمت العنوان = وتعبنا فقصرك العالي على فكت كوالينه
وشفنا فالقصر لوحه حزينه وتخطف الاعيان = ونظرنا فلوحة الأشجان وعرفنا من تلاوينه
لاصار الطير في يدك وحش ياما قنص غزلان = عطه فرصه وهد الطير عسا يعرف عناوينه
يجيب العلم كالهدهد موُاكّد مايبي برهان = ونرسل يمه جيوشن من الجن وسلاطينه
غصب عنه يجي مجبور ولو مايكشف السيقان= ويشرح كامل الأسباب ومنهو كان مغوينه
على كيفك وانت اللي تجازي تسمح الغلطان = مادامك كاسب الجوله وهو بالقيد رامينه
هذا لن كان انا عندي بقايا خاتم سليمان = لكن لآ خاتم فيدي ولآ ضني ملأقينه
لذى ياصاحبي أصبر كما يصبر جبل حوران = يعاني من ثلوج الشام ولافجر براكينه

المشاركة الأصلية كتبت بواسطة فواز الزويهري (المشاركة 820486) جميل الطرق اللويحاني صح ألسنتكم وبيض الله وجيهكم كلام رائع وجميل لك خالص التقدير