آسف من أول يوم جيتي لذا الدار= من داخل أعماقي نطقها لساني
آسف على ماجاك مني و ماصار= و الله غيرك فالبشر ما عناني
ألا الذي له فالمنيفات مقرار=ابوي واللي باقيٍ من خواني
اشوف فعيونك زمن كله امرار = ياليت شوفك زار قلبي ثواني
يمديك شفت إن الغلا ماله أسعار= دام الغلا في نار حبك رماني
ودي و ودي ! بس ذا حكم الأقدار= شلت الحمول ولا رحمني زماني
ترى الحياة كفاح وجهاد واسرار=وياكم من دنياه غيرك يعاني
ولوشفت ماصابه من الوقت تنهار=لوجاك ما جاء له تموت بثواني
لاتقلد الباقين وتعيش محتار =عن هرجهم احذر وسد الآذاني
ترى الزمن ياناعس الطرف دوار=بالأمس رحت فلان واليوم جاني
خلك معي في حكم الأقدار صبار= و إن رحت عني جات بين المحاني

المشاركة الأصلية كتبت بواسطة سعودية (المشاركة 820313) ودي و ودي ! بس ذا حكم الأقدار ::: شلت الحمول ولا رحمني زمانـي ترى الحياة كفاح وجهاد واسـرار::: وياكم من دنيـاه غيـرك يعانـي ولوشفت ماصابه من الوقت تنهار::: لوجاك ما جاء له تموت بثوانـي قصيده جزله من شاعر جزل استاذ بخيتان البشري صح لسانك وعلا شانك ابدعت وتميزت بهذي الجزله لاهنت ولا هان حضورك الكريم احترااامي مع تقديري لك