حي الله اللـي تماثيلـه كمـا الـدره=نفحـة فقيـهٍ بعـيـداتً مغازيـهـا
ياعل من كثرت الاعجـاب ماضـره=كم نظـرةٍ حطهـا الله بيـن اذاويهـا
هذا وصـدري الفالـه علـمٍ يسـره=شكـيـةٍ جابـهـا رجــل يلفيـهـا
كم غلطةِ ترضي المخلـوق وتضـره=لاقالو السابقـه تطلـع علـى ايديهـا
من شاهد الزول مايرجع مـع الجـره=والنـاس ماكـل مايعنيـك يعنيـهـا
ذا قول من هـو صحيبـه وده يبـره=كلمـه مسنـاً جميـع أذنيـه توحيهـا
دور التطـور سنامـه عالـم الـذره=تشكـر بمجهودهـا لـولا معاصيهـا
ولا انت عادل محاسن خيـره وشـره=ونت الحكـم ويـش مخطيهاومقديهـا
الاولـه والأخيـره لانكشـف سـره=يبيعهـا بالتـوافـه ثــم يشريـهـا
لو كلمة الحق للمخطـي تجـى مـره=حفـظٍ لنفـس البنـادم عـن تماديهـا
من طاع نفسه رمتبه والجهـل جـره=راحت طوالٍ عريضه مـن يناحيهـا
يـوم الهـوى ياجماعـه كـل يقـره=والبنت تاخذ بعلها مـن بنـي خيهـا
واليوم دور الهـوى دعـواه مفتـره=الا لأقلـه وجـور الوقـت واطيهـا
من يندفع مـع محبـة زينـة الغـره=يلعبـه الغـي ثـم يـروح يتليـهـا
ولا صار يشره على الاصحاب ويشره=والتاليـه مثـل دور الااولـه وايهـا
وش كبر غلطتك يوم اقلامنـا حـره=حـره ومــره وبيـنـتٍ مباديـهـا
وحـي تمـره ترالـه حـي يـمـره=مثل النعامه رفعهـا طـول رجليهـا
ماودي انـك تـروح بـدرب متكـره=ارفـع مقـام الركايـب لا توطيـهـا
والصبروالياس مابه شخـص مامـره=والله يعيـنـك ولا بــدك معانيـهـا
ياثـقـل مخلـبـك يالنادرويـاطـره=سوه على ام الغالب يفـرا ثنـا ديهـا
يامدمـي السيروالكفـيـن محـمـره=مـا تنومـن مـن يهدونـك تسويهـا
ويردني عـن متابعتـك حصاالحـره=رضامن أملح جميـع النـاس حاديهـا
كم هد صقار طيـره والهـوى غـره=غدت به اللي ترفرف فـي خباصيهـا

/
.


السلام عليكم


صح لسان الشاعر / غازي الزغيبي


والف شكر لك اخي حمد النويمي
على هذا الجهد المبارك


تحياتي لك



:
.