|
{ ..ماجيت أدور من وراكم سلامه.. }
السلام عليكم ورحمة الله وبركاته
اسعد الله اوقاتكم بالخير والمسرات للتواصل ::
يلـي رحلتـم مالـي بحبكـم شـي=روحو وانـا بقـول مـع السلامـه كنت أحسب إني جالسن في ذرى الفي=لين اتضـح لـي زيفكـم وانتقامـه البرق في جوف السما ضاوين ضـي=ومن دون ضيـه ماتحـول الغمامـه والطعنه الي بالقفـا ماهـي شـوي=آثارهـا بالجـرح عقـب التئـامـه ياليتهـم قفـوا وجـرح الغـلا نـي=أهـون ولا يبقـي لشفـي عـلامـه واقلبي الي في هواهـم غـوى غـي=ماقـدره كـود الشـقـا والنـدامـه اسـج رجلـي مـن بهاذيلهـم لـي=وارقى من الضيقه بـراس العدامـه ماودي إن الخلق تـدري بمـا فـي=أخاف من هـرج الـردي والملامـه أخاف لاقالـوا كـواه الهـوى كـي=واصبح يجـاذب بالنيـاح الحمامـه وانا ولـد قومـن روت بالدمـا ري=يوم إن حوض الموت زاد ازدحامـه اطوي جراهيدي بوسط الحشـا طـي=لو إنها تبقى علـى الصـدر شامـه كرامتي ما أرخصتهـا دامنـي حـي=مابيعهـا حتـى تـقـوم القيـامـه الارض ماينبت شجرهـا بـلا مـي=والطيـب ماقابـل عميـل الرخامـه يلي رحلتم جيـت ابـا ألـوح ايـدي=ماجيـت أدور مـن وراكـم سلامـه |
|
عزه الله انها جزله من راس جزل
كفو يالذيب صح لساانك اقسم بالله قصيده راااائعه بيض الله وجهك يالذيب اي والله ذيب وانا اشهد الله يرحم من عقبك ارويتني شعر العقيد اليوبي |
صح لسانك مليون على القصيده
والله يعطيك العافيه بيض الله وجهك |
قصيده معبره
من شاعر جزل ومتمكن مليون صح السانك |
الاخ القدير والشاعر الكبير/سامي الوسيدي مبدع الى ابعد الحدود شاعر متمكن ومحترف اسجل اعجابي بالهقصيدة صح لسانك وبيض الله وجهك |
الأخ سامي الوسيدي
بيض الله وجهك على هالقصيدة الجزلة قد أبدعت وشاعر متمكن لاهنت |
اقتباس:
صح بدنك أخوي محمد بن عويض شاكر لك مرورك العذب يابعدي لك جُل تقديري واحترامي دمت كما تحب |
اقتباس:
اخوي محمد صح بدنك وكفوك الطيب والعلم الغانم يابعدي وهذا بعض ماعندكم شاكر لك مرورك العذب والراقي لك جُل تقديري واحترامي دمت كما تحب |
اقتباس:
الله يعافيك وصح بدنك ووجهك ابيض يابعدي شاكر لك مرورك العذب لك جُل تقديري |
الساعة الآن 06:59 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir