ملكتينـي ذبحتينـي طعنتينـي بـدون ذنـوب =هدمتيني ظلمتينـي وانـا تـوي صغيـر وشـاب
كرهتيني تركتينـي وقلبـي يحتـرق ويـذوب =نثرتينـي كسرتينـي كسرتـي قلبـي المنصـاب
مسحتيني لغيتينـي وحرفـك بالحشـا مكتـوب =خذلتينـي وصفتينـي بأنـي عـاشـقٍ نـصـاب
كتبتيني على صفحه.. ولكن للاسـف مقلـوب =جعلتيني صديق الضيق وغيـري سيـد الاحبـاب
نهرتيني هجرتينـي وقلتـي غيّـر الأسلـوب =نهرتينـي بـلا رحمه...بغيتـي للجفـا أسبـاب
جرحتيني رفضتيني وقلتـي بُعدكـم مطلـوب =حرمتيني من الفرحه...فتحتـي للهمـوم أبـواب
قتلتيني بذكر اللي بوسط القلـب لـك محبـوب =قتلتـيـنـي ولكنه..لئيـم...وفـاجـر...وكـذ اب
انا المخطي وأنا استاهل وانا عن حبها ماتـوب =وأنا اللي لو نهيت القلب عن ذكرك ترى ماتـاب
وأنا مثلي مثل جيشٍ غدى بالمعركـه مغلـوب =رجع يشكي.. رجع يبكي..بعد صارو عليه أحزاب
أنا العاشق وأنا الصادق وأنا الطيّب وانا الحبوب =أحـب اللـي يواسيني..يعالـج غلطتـي بعتـاب
ولا عشقي ولا صدقي ولا طيبي كساني ثـوب =كسانـي للاسـف ذلٍ ودمـعٍ بالـورق منسـاب
أنا بكشف لك أوراقي ولو فيني كثيـر عيـوب =عيوبي مالها عده ولـو تحسـب كثيـر حسـاب
أنا فيني حزن يكفي ..جعلنـي للضيـاع دروب =تجرعته على مهلي إليـن إن الفـرح قـد غـاب
وأنا مالي أمل فيها..هي الشاطب وأنا المشطوب =هي الحره ..هي الدره.. هي المطلب وأنا الطلاب
على كيفك ..على أمرك ..نقدم لك فهد مشروب =وإذا عندك طلب ثاني ..تحت أمرك ترى ماهاب
أنا صابر على حظي ومثلي بالصبر مغصـوب =وإذا صبري نفذ منـي سقيتـك مويـة الأهـداب
هويتك والهوى عقّد خفوق العاشـق المنكـوب =هويتـك يـا بعـد عمري..وقلبـي بالحنايـا ذاب
هويتك لا تخليني مصيري أكشـف المحجـوب =هويتـك كلمـةٍ فيها..ألـم شـوقٍ شقـى غـلاب
وداع الغبن والغيره.. وداع الشاعر الموهـوب =أنـا برحـل ولكنّـي ..أبهديـك الحنـان كتـاب
سألت الواحد الخالق عزِم نوحٍ ...أمل يعقـوب =عزِم موسى.. دعاء يونس يوم أنه بالدعاء ماخاب
عزِم هودٍ ..عزِم لوطٍ...ويعطيني صبر أيـوب =ويبعدني عن الزله ..ويفتـح فـي طريقـي بـاب
ويجمعني مع الغالي وأصير بقلبهـا المحبـوب =وذكّرهـا بـأن اللـي تحبه..فاجـرٍ ...كــذاب