أبو مره=
جيتك وحامل معي دبلوم=وموثقه مـن سلاطينـه
سلام سوقه سحب وغيوم=ومزون لاهلت فحينه
الـصامـت=
يامن لفاني لكم فقدوم=مد الوفا لك حاسينـه
يامرحبا ياعقيد القوم=غالي على حي مغلينه
أبو مره=
كلاتنا بالوفا ملـزوم=بيناتنا عهد ماضينـه
والان نبغى عليه علوم=تبقى لنا في ميادينـه
الـصامـت=
معلوم ياصاحبي معلـوم=مايـوم هسّـة موازينـه
مصغي لك السمع يازيزوم=عذب المثل منك محرينـه
أبو مره=
قلبي توالت عليه هموم= من يوم أقفو مودينـه
وللأن ياصاحبي محروم=نومه وزادت براكينـه
الـصامـت=
مالوم قلب العنى مالـوم=اللـي شكالـي مغابينـه
لاصار عقد الوفاء منضوم=لجل إيش قفـو موالينـه
أبو مره=
أمر القدر جاه والمقسـوم=مكتوب له فـي عناوينـه
عايش حياتي كما المسقوم=اللـي محبيـه ناسيـنـه
الـصامـت=
لاباس أمر القدر محتوم = وما قدر الله راضينه
أنا أعرف إنك قوي عزم = عريق ساسك من جهينه
لابد حظ الفتى مايقوم = وتلقى منام السعد عينه
واللي أوجد الناس من معدوم = قادر يجمع محبينه

المشاركة الأصلية كتبت بواسطة زكي حسين العبيدي (المشاركة 814857) صحت السنتكم وبيض الله وجيهكم شرفني كوني اول الحاضرين على هذا المتصفح الرائع احترامي وتقديري