اهلاً هلابـك عـد مـا بـارقً لاح=يا للي ملكت الروح غصبً عليـه
صافين لك با لود غـلاك مانـزاح=لوزيحت اجبال الحجـاز الرسيـه
انت الذي لك في خفا الروح مسراح=وانت الذي عيني الشوفـه شقيـه
اسمك ينسيني همومـي وتنـزاح=وشلون شوفـك ياغناتـي عليـه
صدقتلك بـا الـود والـود ذبـاح=ولاني بحال اللي جـداه . الزريـه
فتحت لك باب الغـلا دون مفتـاح=وسكرت بابه عن جميـع البريـه
وعطرت جو الود في عطر فـواح=عطر البيوت اللي على السامريـه
والله لـو القلـب بيديـن جـراح=مايزيل ودك دام ها النفـس حيـه
لك المكانه فوق عن كـل الارواح=ناظـر لهـم في نظـرة المحقريـه
خذراحتك عساك مبسـوط مرتـاح=لاتنقل اهمـوم الخطـى والخطيـه
لابـد مـن يـومً يعمـن الافـراح=دنياك ماتبقى علـى الحـال ذيـه
ماقلت هذا القـول لعـب ومـزاح=تدري صدقت بمـا كتبنـه ايديـه

المشاركة الأصلية كتبت بواسطة فهد بن عيد (المشاركة 813782) مشاعر وفاء جميله واغلب الابيات تكرار لسابقتهاااا وهناك بعض الهنات الوزنيه في عدد قليل من الابيات وكل هذا لا يلغي جمال تلك القصيده ومشاعرها صح لسانك تقديري

المشاركة الأصلية كتبت بواسطة الكحيلة (المشاركة 813694) اهلاً هلابك عد ما بارقً لاح=يا للي ملكت الروح غصبً عليه صافين لك با لود غلاك مانزاح=لوزيحت اجبال الحجاز الرسيه انت الذي لك في خفا الروح مسراح=وانت الذي عيني الشوفه شقيه اسمك ينسيني همومي وتنزاح=وشلون شوفك ياغناتي عليه صدقتلك با الود والود ذباح=ولاني بحال اللي جداه . الزريه فتحت لك باب الغلا دون مفتاح=وسكرت بابه عن جميع البريه وعطرت جو الود في عطر فواح=عطر البيوت اللي على السامريه والله لو القلب بيدين جراح=مايزيل ودك دام ها النفس حيه لك المكانه فوق عن كل الارواح=ناظر لهم فينظرة المحقريه خذراحتك عساك مبسوط مرتاح= لاتنقل اهموم الخطى والخطيه لابد من يومً يعمن الافراح= دنياك ماتبقى على الحال ذيه ماقلت هذا القول لعب ومزاح= تدري صدقت بما كتبنه ايديه

المشاركة الأصلية كتبت بواسطة نافع الحربي (المشاركة 813824) الكحيلة انتي شاعرة قادمة بقوة ولك مستقبل شعري راقي المس في شعرك قوة الموهبة وجزالة المعنى وتناسق ابيات القصيدة ويلزمك صقل هذه الموهبة في قراءة الشعر الجيد وسعت الأطلاع , أما الوزن دقيق للغاية عندك ولا عليه أي ملاحظة : ولكن فيه بعض الأخطاء الإملأية : شكرا لك : هذا رايي والمعذرة والسموحة :