يلي تغني طاريً لك طواري=كلً على قدره وضنه و طاريه
الشك زايل ياكثير المواري=ياصاحب الصوره عدتك المشاريه
للعلم بوجيه الرجاجيل قاري=وبعض الوجيه يضيع العلم قاريه
اللي على بعض المناهيج ضاري=وجهه على عوج السوالف مضريه
الله وكبر يا سعيد قماري=تفاق زاري والزرا من تزريه
يا ما وياما قد قفتك الذواري=في خايعً شرواك عذر مذريه
تونس بقلبك مثل دق الشباري=وتشكي هوا اللي داخل الصدر فاريه
هواك صيد الحمره والخضاري=ومثلك وراه اللي يقصون اثاريه
ماعاد عندك غير دربن جباري=ويكرم جناب الحر واللي مجاريه

كرمت ودمت وصح لساانك قصيدة جزله من جزل


تقبل مروري وفائق تقديري
إبن دهام