|
سالم العرم .. انا اشهد ان الغالي امي وانا ابوك
البارحة دكدك علـى القلـب داكـوك سمعت لي كلمـة وثـارت شجونـي انا اشهد ان الغالي امي وانا ابوك اللـي غذتنـي ليـن كبـرت متـونـي اللي تحط ايدينها لي عـن الشـوك وتقول انا دونك ولا تصيـر دونـي يوم القسا والناس ما عندها بنوك تشري لـي الغالـي ولـو بالديونـي شرت لي الموتر وعبت لي البـوك وقالـت تحـرص لا تخيـب ظنونـي بسيط لكـن عايشـن عيشـة ملـوك اعطي عيال الاغنياء مـا عطونـي ما طاوعـت فيـه مبـارك ومبـروك اصحابـي اللـي قصدهـم يزعلونـي باب السماحه عندها غير مصكوك تبكي إليا دمعـي نـزل مـن عيونـي لعلهـا فـي جنـة الخلـد انــا ابــوك وياللي سمعتوا دعوتي جاوبونـي |
اللهم امين
صح لسانك مليون على القصيده والله يعطيك العافيه بيض الله وجهك |
الله يرحمها ويغفر لها ويرحم كل موتنا المسلمين ويجعل مثواهم الجنه
وان يتغمدهم برحمته الواسعه اخي سالم العرم جزاك الله خير على مبادرتك واتاحة لنا الفرصه للدعاء لموتانا وبارك الله فيك وتقبل اجمل التحايا ودمتم سالمين |
امين صح الله لسانك ياسلم العرم
|
مابه شي احلا من الشعر لاصار من القلب الى القلب
رحم الله امك وجزاك الله خير هذ الشعر والابلاش |
سالم العرم : عزالله انك شاعر
صح لسانك وبيض الله وجهك قصيدة جزلة من شاعر جزل لاهنت |
لعلهـا فـي جنـة الخلـد انــا ابــوك
وياللي سمعتوا دعوتي جاوبونـي آآآآآآآآآمين اله يعطيك الصحه والعافيه قريتها 100مره وسلمت ياسالم |
اللهم امين صح الله لسانك ياسلم العرم والله يعافيك
على مشاعرك الجميلة . |
الله يبيض وجيهكم اسعدني مروركم الغالي لا خلا ولا عدم |
لعلهـا فـي جنـة الخلـد انــا ابــوك /// وياللي سمعتوا دعوتي جاوبونـي آآآمين اللهم ارحمها وارحم موتانا وموتى المسلمين اخوي سالم وصح لسانك وبيض الله وجهك على هالقصيدة الجزله |
الساعة الآن 01:13 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir