"قابل=
نبغى افادة لها تعليل=تكشف لنا الخافي المبهم
تغني عن الشرح والتحليل=ومن لافهم بعدها يفهم
منصور=
القول في محكم التنزيل=بالخافية ربنا يعلم
والحق مايقبل التضليل=حتى على الواقفة نحكم
قابل=
فالقول يامكثر التأويل=وبنشوف فالمقبلات اعظم
طال المدى بين حط وشيل=والحق ماقر يامسلم
منصور=
ماينفع اللف والتحويل=المبتدي دايما اظلم
ومن لاتسمع فقال وقيل=اكيد في دنيته يسلم
قابل=
في علمنا مايجي تبديل=ندمح وفالحازمة نحزم
ولاهل الوفا عندنا تكميل=من قدم الطيبة يكرم
منصور=
انا ادري انك كفو ياشعيل=بحمول الايام ماتهتم
نعمين مافالوفا تعطيل =منا ومنك الوفا مغنم

سلمت ياابو يزيد على النقل المميز

مبنى ومعنى

ولايستغرب الابداع منكم انت والمعبدي

الله يعطيكم العافيه