عزيّل حالي يـوم طـوّل مغيبـك =أجهدت عيني كني ابحث عن هلال
لضاق صدرك لاتجافـي وليفـك =خلي وليف القلب دايم على البال
أصبر على حظَك وهـذا نصيبـك =وأبعد عن العذال في كل الاحـوال
لو عاب نفسه كيف يقدر يعيبـك =وما كل مايخطر على الفكر ينقال
أنا رجيتك لجل روحـك وطيبـك =مثلك على الزلات صابر وشيـال
كم درت بين الناس ملقى وصيفك =أنت صديق الروح ياطيب الفـال
وإن طحت في درب العنا أهتديبك =القى مشورة راجح العقل رجـال
يانور عيني كيف تجفى صحيبـك =أبكي على ذكراك تايـه ورحّـال
غابت علّي الشمس ساعة رحيلك =وأظلم علّي الليل يوم القمر مـال
ضيعت دربك تاه عنـي مسيـرك =كن الفيافي صارت حجار وجبـال
أعطيك كلمة خلها فـي ضميـرك =ترى حياتي كلها أحزان وأهـوال
هذا مصيري وأنت هذا مصيـرك =عيا علينا الوقت نبقى على حـال

المشاركة الأصلية كتبت بواسطة رابح الجحدلي (المشاركة 808047) صح لسانك مليون على القصيده والله يعطيك العافيه بيض الله وجهك

المشاركة الأصلية كتبت بواسطة سعد بن نفاع الحربي (المشاركة 808213) عبدالرحمن الأحمدي صح لسانك وفقك الله

المشاركة الأصلية كتبت بواسطة سالم الفريدي (المشاركة 808595) صح لسانك .. .. أسجل اعجابي بالقصيدة .. ويعطيك العافيه ..

المشاركة الأصلية كتبت بواسطة باسم البشري (المشاركة 809338) اخوي عبدالرحمن .. .. صح لسانك وبيض الله وجهك على هالقصيدة الجزله