دربــــي وفــــا =
نبته وفا للرجـال يمـد=وأثماره الطيب بأصنافه
سلام ماله عـدد ينعـد=يامن يشرف في ميقافـه
سفير المحبة =
ورد الوفا من فؤاد مـود=والطيب في عز مصيافه
ترحيب وانته وفاك يسد=مخبور واللي حضرشافه
دربــــي وفــــا =
مايختلف خُبرنـا ياعـد=دايم على رأس مشرافـه
وده دقيقـة عليـه تلـد=اللي موجه لكـم قافـه
سفير المحبة =
الوقت كله معـاك نمـد= ابشر بعدلـه وانصـافـه
عطنا جوابك وتاخـذ رد=مايلحقه لـوم وخلافـه
دربــــي وفــــا =
هيا إستمع حالي المنهد=مابين قلبـي وميلافـه
برده على مازرعت اشتد=حتـى تسبـب فإتلافـه
سفير المحبة =
انكان تبغى الكلام الجـد=المنهدم حـاول ايقافـه
ولزرع حط الذرى والبند=حتى يصل موعد اقطافه
دربــــي وفــــا =
كل مابنينا جديـد يجـد=غير الذي كان واخلافـه
والقلب ليه خصيم ونـد=والطرف نوم الكرى عافه
سفير المحبة =
لا ارخى حبال المودة شد = وطيب الهوى بساعته صافه
وخله لمدح الثناء مسند = ولاعاد تشكي من اجحافه

صحت النتكم وبيض الله وجيهكم
محاوره اكثرمن رائعه في البدع والرد
الله يعطيكم العافيه لكم خالص التحيه والاحترام