سلام الله سلام(ن) مثل غـيـثن لا انهمر مدرار=من مزون الوفاء يضفي على المحفل وجمهوره
سـلام الله سـلام الـود لـهـل الحــفـل والحـضار= يعـم أشـيوخـنا وضـيوفـنا والحـفـل وحـضـوره
وتحـيات الوفا العطـرة لشـيخ الدار وأهـل الدار= تحـيات(ن)شـذاهـا الورد والريحـان وزهـوره
تعم أضيوفـكم ياآل النحـيـت أهل الصخـا والكار= عن رجال المواقـف والوفاء ماهي مّـقـصـوره
كرام ٍ من وفـاهـا لـبـت الـدعـوة بـدون أعـذار=ٍ حشام ٍ من تواجدهـم سما المحـفل سـطع نوره
حفل شـيخ الكرم واف الخصايل عـز بيت الجار= وســيع الـمـعـرفه رمـز الكرم والعـلم دكـتـوره
ابن نحـيت عـبـد الله رفـيـع الـشــان والـمـقـدار= ولد شيخ ٍ بصـعــبات الـقـضايا ما طـلع طوره
محـمد لاحتمت صعـب المواقف يحـتمـيها جهار= عسى مـسكانه الفردوس والسـيات مغـفـوره
عـريـب ٍ(ن) والخـوال أفـعـالها تذكـر بكل أقـطار= كريم ٍ والنواحل بالكرم والطـيـب مـشـهــوره
نواحل والـنواحـل عـز مـضهـودن زمانه جـار= فـعــايـلهـم في الــتـاريخ مـشـهـودة ومـذكـوره
نشـارك بالفـرح عسى الفرح لك بالزمان شـعار= بـتخـرج نجـلكم تركي قـبيـلة حـرب مـسـروره
تخـرج شـبل أسـودن تحـسـم الموقف ولا تحتار= ابـن نحـيـت وان دقـة طـبول الـحـرب له دوره
لهم بمجلد التاريخ صـفحات(ن)مهي با سـطـار= فـعـايـلهـم تخـلي كـل عـاقـل يـفــقـد أشـعــوره
اليا ركبوا مزاغـيف الاصـايـل مسـرجات امهار= لهـم تشـهـد صـوارم نجـد والأفـعـال مخـبـوره
تدوم أمجادكم ياآل النحـيت أحرار ساس أحـرار= ولـكل شـيـوخـنا بالـمـجـد راية عـز مـنشـوره
واعود لصلب موضوعي لحـر ٍوالفـرح له صار= آبارك لـه بـعــد عــلـق عـلى الآمـتـان دبـوره
مخومـسـة الضلوع اللي تلامع تـقـل شـعـلة نار= أراده مــلكـــيــه وأمــرهـا بالأصـل والصـوره
تحـت تـوقـيع عـاهـل ممـلـكـتنا صـادرن بـقـرار= بـتعــمــيـده وتــنفـيـذ القـرار بكامل أسـطـوره
حــفـظـك الله يـا تـركي تـقـدم وكـمـل الـمـشـوار= عـلى عـز ومـعــزه والرجـل قـدره ومـقـدوره
بدينه ثم مـليـكه والوطـن ما يرخصه با أسـعـار= معـلم غـيركم وأسـف اذا الشاعر عـطا شـوره
ولكن من مـشـاعر شـاعـرن صادق ودمـه حار= يشـوش الراس بالعزة وغاص الشعـر وبحوره
يجـيـب مـن الـبحـر حـصـة ولولّوه مع الـمـحار= ويطــلع في خــيـاله يم كـوكـب زحـل ويـزوره
يـمـر بـدربـه الـزهـرة مـع بــلـوتـو ودار ودار= مـدارات الـكـواكـب كــلهـا دوره وراء دوره
خياله واسع ويفهم وش المدخـل من الـمـظـهار= فـقـط إيـضاح لأفكار مع الأشعـار مـسـحـوره
وآنا شاعر لي أسـلوبي بدون أقـصـور بالشـعار= وكل إنـســان له دوره وتـفـكـيره ومـنظـوره
يا شـجـرة عـزنا يا شـيوخـنا بالـمـوقـف الجـبار= يـدوم الأمـن بــبـلادي وشــرع الله دســتـوره
وتـباريـك الهـنا للـشــيـخ عـبد الله بالابـن الـبار= وتحـيات الوفا للحـفـل من سـوره الى سـوره