صابني مبداء جنابك يالاميره بإحتراق=صهرج ضلوعي وشب النار داخل خافقي
وصاب دخان الحريق القلب والله بإختناق=مير بالله يالاميره ارجوك بيه ارفقي
لاشتهيتي تجرحيني اجرحيني بالرفاق=طاوعي نفسك ولكن عن علومٍ ارتقي
صوبي لهدافك بدقه على شسع النطاق=واطعني الي تبي بين الحنايا وانتقي
ولاتوافق جرحي وخاطرك واجمعهم وفاق=الجروح انكان طابت لك...جروحي اسبقي
صدق ان الي لقيته منك ماغير الوهاق=عذب اشوفه واستهيم فــلذته مير اغرقي
اغرقي فالي تبينه واستميتي فالعشاق=واحتيي ثم استميتي واحتييبي واعشقي
وفرحي اليا كدرك او ان سبب لك ضياق=عكري جوي على كيفك وفرحي اسرقي
هذا كان الي حكيته لك ولخاطرك راق=ماكفاك الي وهبته لك زيدي وافهقي
لكن المنطق سعاده وقلبي انا المر ذاق=التمادي صار منك لين صبري مابقي
المبادء والقيم والذوق عندك لايطاق=بصتبر والصبر عافه صبرنا من مطرقي
والحسن والمظهر ونظرات مامنها وثاق=هذي ماتنفع ترا ولاهي ابد من منطقي
لايجي يوم الندم في داخلك يحكي عناق=يستمل من وحدته ويقول ياشمس اشرقي
ولاتحسبيني بضل امشي مع اي انسان باق=عيدي الحسبه معاي وفالوقائع دققي
طفل في داخل كياني حطمه قل الشفاق=ماهقيتك قاسيه للحد هذا ارفقي
قلبي المفجوع لجلك قرر يهد السباق=خافي الله في عمايلك الشنيعه واتقي
كل طيبٍ جاء منك كان من باب النفاق=ياخساره حظي الي عاش عمره مشتقي
نجمك الي غاب عنك ابعد وهم الفراق=لاتشيلين الخطيه..مع حواسسك افرقي
الخطر فهرس حدوده وانته الي لك ساق=اخترقت الحد واتعبت بمعالمك السقي
بوقفه نبعي وبقطع عنك ماضيه السياق=الي ماقدرت نبعه يومه حظك له لقي