المجلس اللي فيه حاقد ومغتاب=وسيف العداوه بالمجالس يسله
وياكل من لحوم الآوادم ولا تاب=تبا النصيحه ياولد قم وخله
وازبن هلا الطالات عطران الاشناب=اهل الوفا واهل الكرم ماتمله
واسمع سواليف النشاما والاصحاب=فالمجلس اللي ما تجي فيه زله
ما خاب من ينصا هلا الطيب ماخاب=ولا خاب من ينصا هلا الخير كله
ومالك ومال اللي على الناس كذاب=اللي طريق المرجله ما يدله
لا فكّر برزخ ولا يحسب حساب=يوم القيامه يوم فرقا الاخله
لا صار من فوقه ومن تحته تراب=يلقى فعوله كامله في سجله
مير النهايه يا عريبين الانساب=هذي عباره من ضميري مطله
مجلس ما يجلس فيه عطران الاشناب=تبا النصيحه ياولد قم وخله