يامرحبا ياعضيب ترحيبةٍ لك=مثل المطر لهل وسط الخيالي
ترحيب مخصوص وترحيب ياصلك=من الكحيلة بهرت لك ادلالي
اهلا هلابك يا الفطين المحنك=يادرعنا عند ازدحام المقالي
انته مثل مزنً ركامي نخايلك=صدوق برقه فيه له اشتعالي
هلت على روس المعادي هميلك=مثل البرديشيل روس الرجالي
ميقافكم واضح ولايقبل الشك=شعارهم منكم ركبهم اهبالي
الله على حرفٍ كتبته ومثلك=صليت فيه اكبودهم بالف صالي
ياسيفنا المسلول دك العداء دك=شعرك يهز ديارهم والجبالي
لوقبلو راسك ولوقبلوا يدك=ما أوفوك حقك ياعريب الخوالي
و أرجع اقول اهلاً هلا مرحبا بك=في ملتقانا زدت نوره جمالي
اقلط تفظل منزل الطيب منزلك=يانجم بان وفي سماء الشعرعالي
{{حــ كحيلة ـــرب}}=

المشاركة الأصلية كتبت بواسطة لازم اسجل (المشاركة 793399) صح الله لسانك ياشاعرتنا ... ويستاهل عضيب الترحيب والمدح وله وقفات ماننساها

المشاركة الأصلية كتبت بواسطة الحب الباقي (المشاركة 793406) صح لسانك مليون على القصيده والله يعطيك العافيه بيض الله وجهك

المشاركة الأصلية كتبت بواسطة بخيتان البشري (المشاركة 793484) صح الله لسانك شاعرتنا القديرة كحيلة حرب على هذه القصيدة الترحيبة بالشاعر الكبير عضيب