هيهات شعري والمعان الجليله=احكم المغزا وبصري غزاني
اجرجره قافي واحصد حصيله=واقادي التنوير وارفع كياني
ولاخط حرفي جاب لي الجزيله=ويهيم بيه في بحور المعاني
يقطف صورها بكار ببسط وسيله=يوم بعضهم يرتجيها اماني
يختار منها كل ماهي اصيله=ويجزها برياح يم المواني
كني انا والقاف خل وخليله=يبحر معي للهاجس الي كواني
يعذب لي الاحان يرفع هديله=واقطف ثماره بالادب واتزاني
ارقى بفكري واستهيل الثقيله=واردع صعاب الهايله فالثواني
لان الحجر وجبال عادت هويله=تشهد لنا من غاديات الزماني
اطغى الرسن واحكم بفكره مهيله=ولا اهمل الي حد سيف وعداني
سيفي حمى ورياض سيفي ضليله=لاقلت كلمه شوح فعلي حداني
بشموخ راسي ارفعه ما اميله=تقداني فعولي ودربي نقاني
فارس عقيد الخيل قلت المقيله=شاعر وياما الشعر رجوا رجاني
للنايفه دايم فعولي عجيله=امشي لها بعجال وامطى حصاني
ما انزل على الداني ولا للهزيله=ولا لي ابد فمعاشرين الدواني
اسمي سوات البرق يرهب قبيله=للمعتدي والي فغيبي وشاني
حكيم احكم غايتي بالوصيله=لاصار لي الصيد رايق مزاني
اقبس زهبها حرك اشب الفتيله=واحسب له المقياس ويسير فاني
ولا غايتن عندي ابد مستحيل=بأذن الله اني اوصل الي مداني
ماتحدني عن شيء ابد عزيله=بيرادت الله اوصله بالهواني
ولا اذم انا شخصٍ ابد في سبيله=كل البشر محسوبتن لي خواني
شاعر ابن شاعر وجدي دليله=مخبور من عهده نشيل العواني
دايمي نسل زايد من افخر قبيله=حرب لها التاريخ وسم الزماني
عز وفخر وسيوف تلمع صقيله=وقت المعارك تنحني بمتناني
قوم فعلم القن تحسب عديله=مال النقيصه بينهم من مكاني
شيمه وكرم فرجال ترقى الطويله=متهاب لو الموت يلحن اغاني
تحمى الضعيف وتمطره بالمخيله=وليا نصا المظلوم يلقى الاماني
نمشي على منهج صفاته نبيله=قران والسنه وعلم البياني

المشاركة الأصلية كتبت بواسطة سعد المحمدي (المشاركة 792006) الشاعر عقيد الخيل صح لسانك وبيض الله وجهك والرجال اللي يمدح ربعه حق مشروع وانت شاعر مميز وقصيده جزله وموضوعها سامي تحياتي وتقديري لشخصك الكريم