اه ياعلمٍ قدح مثل الشظيه=يخطف الانظار نوره في صلاتي
بان نوره والقمر والشمس حيه=ياصلاة الله عسى ماهومماتي
كيف وانالي رفعت السامريه=ياغناتي مالها حلال والله يا غناتي
ماهقيتك تفرح العذال فيه=وانت ستري بالليال الكايداتي
عطني المضمون وشرب شاذليه=والله اني في رضاك ارخص حياتي
ما اتغالا الروح دونك للمنيه=كيف لوتطلب من الوقت الحظاتي
والكحيلة من سلايلها العبيه= هن بنات الريح حصن محصناتي
صوت حافرها تقل وقع برديه=ولا تراخ برسن للدانياتي
خل عذال الليال السرمديه=ميز الخطوة على وزن اخطواتي
كان تبغى للوفا مثلي وفيه=واعتقد ماصار لي مخالفاتي
امشي الخطوة على وضحً نقيه= ماتغيرني ليالٍ قاسياتي
لو وصلني منك يا المضنون كيه=ادمح الزله وهذه من صفاتي
وبالختام ارجوك تقبلها هديه=حكم الموقف قبل فوت الفواتي
مع طريقك خل خطواتك ذكيه= ياغنات الروح ياكل امنياتي
لك طريقً واضح ٍ مافيه زيه=ان بغيت تشيل حملك في ثباتي
وانا اعرفك شهم متحب الرديه=ماتغير ماقفك مثل السراتي
ولويحل طويق في موقع طميه=ماتغير موقفك با النايباتي
لك ظلال ولك ظلالً جاز ليه=ياهنيي فيه في لحظة مباتي

{{كحيلة حرب}} =

المشاركة الأصلية كتبت بواسطة الحب الباقي (المشاركة 789987) صح لسانك مليون على القصيده والله يعطيك العافيه بيض الله وجهك

المشاركة الأصلية كتبت بواسطة سعد المحمدي (المشاركة 789989) ماهقيـتـك تـفـرح الـعـذال فـيـه كيف ليه ؟ كيف ليه وانا اقول انك عباتي عطنـي المضمـون وشـرب شاذليـه والله اني في رضـاك ارخـص حياتـي مـا اتغـالا الـروح دونـك للمنـيـه كيف لوتطلـب مـن الوقـت الحظاتـي الشاعره الكحيله صح الله لسانك توقفت عند الابيات اعلاه كثير

المشاركة الأصلية كتبت بواسطة بعيد السجه (المشاركة 790071) عطني المظمون واشرب شاذليه...........والله اني في رضاك أرخص حياتي صح لسانك ياكحيله