دمعة قهر بعيون المحبين
للتواصل
قم ياقلم وأكتب علوم المحبين=من هاجس ٍ ينظم جزيل المعاني ولزم حدودك لاتخطى القوانين=وكف الحبر لامن جرحي حداني حبه سكن وسط الضماير من سنين=ماقدر على سبه لو أنه نساني ولاقدر ارد الصاع للزين صاعين=وماقدر أشوفه في حياته يعاني دمعة قهر بانت على محجر العين=من يوم شفته مهتوي شخص ثاني ياصاحبي ليه الغدر بالسكاكين=ليه المحبه بين مجني وجاني أبنشدك ياشيخ وأنتم هل الدين=لازم تجاوبني ترى العمر فاني ياشيخ جايز ردت الدين بالدين=دين المحبه كرهن في زماني كيف التقاضي كيف نكسر جناحين=جنحان بقعاء لاتحطم كياني رد المطوع قايل ٍ لا تحاكين=دامك تذوق الهم نصبر ثواني ياشيخ أنا بعطيك علم الميامين=نفسي عزيزه ماتحب الطماني قولو لخلي يذكر القبر والطين=في ساعة ٍ قل الرجاء بالمحاني ياهل الهوى هذي علوم المحبين=من هاجس ٍ ينظم جزيل المعاني |
صح لسانك مليون على القصيده
والله يعطيك العافيه بيض الله وجهك |
صح الله لسانك ولاهنت وسلم فكرك وبنانك دمت برعاية الله وحفظة |
قصيده وافيه ومن راس وافي لاهنت ولاهان هذا الحضور تقبل تحيتي |
رابح صح بدنك ولاهنت على المرور العطر
|
أبن فرهود صح بدنك ولاهنت على المرور العطر
ودي |
الساعة الآن 06:47 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir