في راس عاير ممتلـي بالمزاييـن=واقف ظريف الطول يعرض جمالـه
روعة حلا رغده مع الهام شاهيـن=جاته من الله في كيـانـه لحـالـه
لو شافها عابد بن عبيـد فالحيـن=يمكن يشق الجيـب سبـة ذهالـه
ويصير هايم بيـن خـدٍ وعينيـن=ويبحث طريقه تنفعه فـي وصالـه
والله ماينـلام نـسـل الوفيـيـن=لو كان سوى حـول بيتـه بقالـه
من شان مايشكي صحيبي من البين=ولحظـة تلاقيهـم تعـوّد سهالـه
ومقضاه يهديها ومقضـاه بالديـن=ومن سبة المجمول بيضيـع مالـه
اعرف ياعابد قرب درب الهوى شين=وانتـه فطيـن وتفتهـم للرسالـه
ممشاه لو سـرك تحفّـه شاطيـن=درب الهوى خسران منهـو عنالـه
ولو يجتمع له طب لنـدن وبرليـن=جرح الموده صعب يصعب زوالـه
وان جيت شارع ممتلي بالمزاييـن=ابعد عن اللي يفتنـك فـي جمالـه

أبغى شهود عدول وأبغـى مياميـن=وأبغـى رجال ٍتتصـف بالعدالـه
وانحضّر المدعـوا حفيدالكريميـن=وانقيم شـرع الله فـي كـل حالـه
عندي دعـاوي مثبتـه بالبراهيـن=لاحتـاج تبريـره ولاأبغـى جدالـه
يسوق مرسالـه فوسـط الكراتيـن=ظحـّك علي النـاس والله لسالـه
ويـلاه لبّسني لبـاس المسيكيـن=اللـي ورى فقـره مضيّع ريالـه
اللي إذا جاب البظاعه مـن الصيـن=ضيـّع مكاسبهـا وجاعـوا عيالـه
يانـاس ياللـي تعرفـون القوانيـن=خالد تعـدى فـي مزوحـه مجالـه
وأنا بديوي داخـل الجيـب سكيـن=لاطرد ورى عجـرم ولا ابغـى أصالـه
وعندي من المعزا مع الضان حوشين=في وسطهـا كنـي مديـر الوكالـه
وحبي كتبته للمـلا بيـن قوسيـن=أعرض تواصيفه لكـم فـي عجالـه
أول تواصيفـه نـزل فالشرايـيـن=وكبدي طحنها مثل طحـن النخالـه
يقرع فصدري مثل قـرع المواعيـن=يالأحمدي ذالحـب ماقـوى حبالـه
وثاني وصوفه دمعة العيـن عاميـن=سهران ليـن الليـل يغـرب هلالـه
وثالث وصوفه حب صافي وقلبيـن=حب النقـا لاشـك مأرضـى بدالـه