|
بـــنــتــك الـعـــذرا تــنــادي يــــايــبـــه ... ويــنــك يــــبــــه ،’,’,’,’,’,’
السلام عليكم ورحمة الله وبركاته
/ / / / /
ياقلم خط المعاني واكتب اللي بالضمير=حبرك الدم الحمر من داخل القلب اسكبه بعد ما لدت عيوني فالصغيره والكبير=والغصين اللي تمايل بالثمر صار احطبه بعد ما طاحت كبار الروس والسيد حقير=والحقوق تضيع ويموت الذي شاح اطلبه بعد مالحرية اللي جابهت موج(ن)خطير=تنقتل قدام عين أبناءها مستغصبه لاعلى الدنيا سلام ولا على الأبطال خير=كان ماتقطع يدين الخير يد(ن) مرهبه كل عاقل من بني الإسلام نادى بالنفير=والجبان اللي تراخى وكاس ذله يشربه ياصلاح الدين وينك قودنا بسيف(ن) شطير=بنتك العذرا تنادي يايبه... وينك يبه بعد ما أهلي تخلوا عني بزيت وشعير=ولجل كرسي كم جلس فوقه عظيم (ن) واكربه دمع عيني اسكبه والناس من حولي كثير=مابهم واحد مسح عين اليتيمه واطربه يابيوت الشعر ليت الشعر فالجبهة خفير=والحروف ارصاص والشاعر عدوه يذهبه ليت إنكار العرب والشجب يسوا لو نقير =لو حصينا شجبنا وإنكارنا ما نحسبه ليت أنام الليل وأصبح وإن حالي صار غير =في يديني كل ظالم حتى صهيون اصلبه لو طلبنا المجد في غير الشريعه ما يصير =والعزيز اللي بيده سيف خصمه يغلبه |
صح السانك ملايييييييييييييييييييييين وبيض الله وجهك ليت ليت متغير شيء اسأل الله النصر للسلام والمسلمين تقبل تواجدي |
صح لسانك مليون على القصيده
والله يعطيك العافيه بيض الله وجهك |
اقتباس:
صح بدنك وسلم غاليك والله يبارك فيك أسعدني هذا الحظور لك خالص التقدير |
صح لسانك مليون على القصيده
والله يعطيك العافيه بيض الله وجهك |
صح لسانك وعلا شانك
اخوي فواز الزويهري قصيده جزله لاهنت ولا هان حضورك الكريم احترااامي |
اقتباس:
صح بدنك وسلم غاليك والله يبارك فيك لك خالص التقدير |
لله درك يامبدع والابداع من شخصك غير مستغرب
جزله من راس جزل تقبل مروري |
اقتباس:
الشاعر عبد الله الحنيني \ صح بدنك وسلم غاليك والله يبارك فيك لك خالص التقدير |
اقتباس:
صح بدنك وسلم غاليك والله يبارك فيك لك خالص التقدير |
الساعة الآن 04:49 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir