|
(( شاب الفكر))
البارحة مانمت ليلي ولانام=مظنون عيني نون عيني والاهداب احيان اناظر خلف واحيان قدام=وآقول صدق الحكي والحكي كذاب احكم على نفسي بنفسي بالاعدام=وافتح على نفسي ملاين الابواب احلم وانا صاحي وتفسير الاحلام=بيني وبينه باب والقفل فالباب المستريح اللي بلا فكروالهام=لايطلبه احدٍ ولاهو بطلاب والا الشقي اللي بلا درع وحزام=اللي رصيدة خالٍ منه الاصحاب دنياك يابن آدم مقادير واقسام=والآخره معروف للاولى حساب انعام ماتنفعك ياهيه الانعام=والعين مايملى حدقها سوى تراب ماحدٍ من العالم على صدرة وسام=والنار قالوا مالها غير شباب الفرق بين الناس ماهو بالاجسام=والعيب مايستره غترة وجلباب العام مدري عام الاول قبل عام=يوم ابتدت في ساحة القدس الانشاب بعد العراق استسلمت مات صدام=واستبشرت طهران من بعد ماغاب من قبلها كابول ومن بعده الشام=والبث حصري في قنوات الارهاب المتهم معروف صاروخ قسام=والجرح عيت لاتداويه الاعشاب اعلام تآتي بعدها اعلام واعلام=المشكلة فينا وفينا للاغراب اسلامنا باطن وظاهره الاسلام=ظاهر ومعلن باطنه عنه الاظراب انلام لو ماقلت هيا اصحو انلام=شاب الفكر والقاف للحين ماشاب |
الشاعر ابن حميدان
صح لسانك ولاهنت جزله من جزل تحياتي |
اقتباس:
جميل بن حميدان لله درك وصح الله السانك وبيض الله وجهك ابداااع مميز ورائعه من روائعك تقبل اجمل التحايا ودمت ودام ابداعك |
صح لسانك ياجميل وبيض الله وجهك
قصيده رايعه |
صح لسانك مليون على القصيده
والله يـعـطـيـك الـعـافيـــــــــــة بيض الله وجهك |
الله يحييكم وصحت ابدانكم ...... شهادة اعتز بها .... تحيااااااتي وتقديري للجميع
|
لاهنت وصح السانك تقبل التقدير والاحترام وفقك الله
|
حياك الله الجرح ...... وصح بدنك ..... مرورك شرف لاي شاعررررر... تحياتي وتقديري... نآمل ان نكون قد قدمنا مايليق لذائقة كل من في ملتقى حرب ... الذي غمرنا وظمنا في جنباته وعرفنا وعرف الناس بمن لايعرفونة .. تحياتي وتقديري الخالص للجميع
|
اخوي جميل حميدان صح لسانك على هذه القصيدة الرائعة والممتعة |
صح لسانك اخوي
لا عدمنا ابداعك |
الساعة الآن 11:59 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir