عمار =
سلام يثبت لنا حضورك = ياملحن الدان بالكسرات
لابد تحكي لنا عصورك = اللي لها وقت بالعبرات
المثل =
يامرحبا عاش في نورك = القيل يامنور الابيات
احلى معانيه بتزورك = على الصفى نطوي الصفحات
عمار =
احلى من الورد في عبورك = يا طاوي الجرح بالكتمات
ننثر لك الورد في مرورك = من شان تجني لهم قطفات
المثل =
يملكني القاف وشعورك = امقيد القلب بالهمسات
ومن شاف شاطيك وبحورك = يعشق قوافيه بالنظرات
عمار =
تكفي الشهاده على سورك = ياساكب الود بالكاسات
تبرز اماني على ظهورك = والشوق ماتملكه ساعات
المثل =
تبرز معانيه فصدورك = يوم المثل ينزف الاهات
لو زان فالود منظورك = مايكشف الود لك صنات
عمار =
مايسكن الهم فسرورك = يامخاوي الذيب للهقوات
من بعد غيرك يجي دورك = يبغا يسوق الامل بالذات
المثل =
اسمع اذا صنت دستورك = تلقى لطعم الامل لذات
الصدق لاكان دكتورك = يحميك من اخطر الصدمات
ولا خنت قافك وجمهورك = يمضي مسلسل من اللوعات
يتلف مع الوقت ديكورك = وتعيش نادم على مافات

المشاركة الأصلية كتبت بواسطة البيرق المنصور (المشاركة 764039) ياسلام عليكم ياسلام عليكم صحت السنتك وبيض الله وجيهكم على الابداع الجميل

المشاركة الأصلية كتبت بواسطة وليف الشوق (المشاركة 764061) صحت السنتكم وبيض الله وجيهكم تقبل تحياتي وتقديري