ملتقى قبيلة حرب الرسمي - قصة (فايد الحربي )مع حمدان وصلفيق من الشميله من شمر 0"

قصة حمدان و صلفيق من الشميله مع فايد الحربي

--------------------------------------------------------------------------------

بسم الله الرحمن الرحيم

هذه القصه حصلت مع حمدان بن جريان الشميلي و صلفيق بن صقيع الشميلي عندما كانوا متوجهين لبريده على ركابهم واثناء مسيرهم مروا على ديار حرب و صادفهم بالطريق رجل يدعى فايد الحربي وخاواهم لبريده وعندما وصلوا بريده يقولون ان ذلول الحربي صار به ضلع وباعه ويوم قضوا لازمهم من بريده نووا يرجعون لديرتهم شالوا شداد خويهم الحربي وغراضه على ركايبهم واركبوه معهم . وكان حمدان وصلفيق ما يخلون خويهم يركب على الردوف , يركبونه على الشداد حتى وصلوا فايد الحربي لاهله وعندما وصلوا الضحى قلطهم فايد الحربي و راح يبي يجيب لهم ذبيحة وشافه صلفيق وعرف انه رايح يبي يذبح لهم وقال لحمدان: معزبنا راح يدور ذبيحه ,فقام ولحقه حمدان وقال : علي الطلاق انك ما تذبح مع العلم ان حمدان مهو متزوج هكالوقت , ويوم شاف الحربي ان حمدان طلق رجع للبيت وغداهم من الميسور وعندما شدوا على ركابهم يبون يمشون قال فايد الحربي هالشداد قال بكم هالبيتين ( وكان الحربي يقصد ان هالبيتين جزاء لشيلته وشيلة شداده )

يا تاجر الزين من شمر **** لا تاخذ الا هل الطيبي

حمدان شيخن وينومر **** صلفيق عطب المضاريبي

انا اركبوني هل الضمر**** لياما وصلوني معازيبي

و( تاجر الزين ) لقب لبنت طارش الجنيدي حيث انها كانت من اجمل البنات وتمتاز بالعقل والزين
وفايد الحربي كان يسمع حمدان وصلفيق يقولون له اركب لعيون تاجر الزين وكانوا دايما يرددون هالاسم بينهم
الامر اللي دعاه انه يذكره بالقصيدة .

وسلامتكم