الليل قفى دجى ليله = قفى وطلعت عليه الشمس
وانا مع الليل في ويله= ماكني إلا سجين في حبس
الليل له ناس وتكيله=وياكم منه بالامه حس
لآن مابان تحصيله=موضوعك الآن تحت الدرس
واضح لك القيل تفصيله=ماعندنا فالمعاني دس
كيف اعدل الويل واحيله=وسجني عليه العساكر خمس
مادام خصمك ركب خيله=وفاق ممشاه واستأنس
كلأ يدافع حسب حيله=ويدور مخرج لغز النفس
كم لي وراء الحل وامشيله=وانتم لكم شان بالمجلس
ماشفت لي برق واخيله=إلا دجى فاق ليلة امس
منه بغي القرب ساعيله=ينطح صعاب الامور يجس
بلا جهد ربح مايجيله=ابعاد بينه وبين الانس
وكل جيل مسئول عن جيله=مهما عليه العنا هجرس
لازم يواصل مواصيله=لوانها من وراء الاطلس