بخـيـتـان الـبـشـري=
إكليل نصه وجوري نـص=ومغلفـه بالوفـا قـنـي
سلام مخصوص ومخصص=للحوت إن كـان يسمعنـي
مـاهـر ابــو خـالــد=
ترحيب ما يعتريه القـص=كامـل ومـردود للفـنـي
هات المعاني وشيل ورص=وخذ ردها فالمثـل عنـي
بخـيـتـان الـبـشـري=
لك البقـا عـد مايمتـص=حلمي خبر شين يغضبنـي
حريص مثلي معك واحرص=بسأل خبر فيـه جاوبنـي
مـاهـر ابــو خـالــد=
ماهو من اول كلام تغـص=للحيـن ماجالـك المبنـي
وانا معك لين تقرأ النـص=تقديمك الظـن مـا يغنـي
بخـيـتـان الـبـشـري=
لو جات جابتك ماتنغـص=حيث الصبر فيك لي معني
باللقن والمعرفة مختـص=شرواك كنـك كِمـا كنـي
مـاهـر ابــو خـالــد=
الداب تحت القدم يرقـص=والناس من حولـه تغنـي
بيني وبينك ترى مايفـص=اللي نوى الشـر متعنـي
بخـيـتـان الـبـشـري=
عقب المزامير يبغى فغص=ويُفرك كما فركة الجنـي
واللي عطيناه فإذنه خُـرص=إن عـاد لاعـاد نستنـي
ماهر ابو خالد=
ما قول بعد الوصاية وص = الاوله تكفي المجني
وما تجوز رأفة تهادي شخص = شيعي اذا كان اوسني

المشاركة الأصلية كتبت بواسطة صقر المراقيب (المشاركة 759390) كلام جميل والمعنى محكور بدقه صحت الالسن شعراء كبار ماشاء الله عليكم

المشاركة الأصلية كتبت بواسطة الحب الباقي (المشاركة 759415) صحت السنتكم والله يـعـطـيـكم الـعـافيـــــــــــة بيض الله وجيهكم

المشاركة الأصلية كتبت بواسطة عبدالعزيز الزويهري (المشاركة 759505) ابو البخت . . ابو خالد سلمتم و صحت السنتكم و بيض الله وجيهكم و لا يستغرب الابداع من اهله و الله يعطيكم العافية