يانايف اسمع كلمتي دون تحريـف=جعل المصايب بالزمـن ماتمـرّك
اسلك طريق الحق مبعد عن الحيف=وابليس يـم المعصيـه لايجـرّك
ولاتحسب الدنيا تجيلك على الكيف=والوقت لو سـرّك فلابـد ضـرّك
فصل الشتا لازم يجي بعده الصيف=مـادام دورات الليالـي تـحـرّك
وخلّك ذهين تجيب للعلم تصريـف=وادرى عن العدوان تدري بسـرّك
واعرف جهود النذل بالزور والزيف=واحـذر بحلـو عبارتـه لايغـرّك
واكبر خطا ماينفعك فيه تحسيـف=انكان ضنّـك فـي عـدوّك يبـرّك
هذي نصيحة صدق ياناقل السيـف=لو كان مثلك بالفطانـه مـدرّك
خابرك نايف نعرفك دون تعريـف=جعل الليالـي ياصحيبـي تسـرّك
وابشر بخير وعز يامكرم الضيـف=مادمت وافي كافي النـاس شـرّك

يامرحبا بـك دوم يغلـى المواليـف=ياصـاحـب(ن) نغـلـيـه لله درّك
راعي وفا واخلاص ويّـا معاريـف=وقت القسا معروف عزمـك وكـرّك
من رافقك قد نال رفعـه وتشريـف=أصل الذهب معدنك من سـاس درّك
يمكن يخون الحكي لاردت توصيـف=مثلك رقـى بالمجـد عالـي مقـرّك
يشهد عليّ الرب من غيـر تحليـف=إنك عظيم أخـلاق صدقـك وبـرّك
ياصاحب(ن) نغليه لو كان ماشيـف=حنا معك في وقـت بـردك وحـرّك
واضح كلامي دون زور(ن) وتحريف=حنـا سـوا بالبحـر والا بـبـرّك
مانرخص الغالين واغلـى المواليـف=ياصـاحـب(ن) محـشـوم لله درك

صح لسانك ولسان الشاعر المالكي
يا صقر المراقيب

تقبل مروري