ياللي تلوم الناس لاويش بتلوم = وأنت ألإخطا كاسيك كنه ثيابك
في جلسك وياك ولاجيت بتقوم = يفز قبلك خوف لاصح صابك
مايوم غايب عنك حاضر وملزوم = بمرسوم سامي منكتب في كتابك
هذا نصيبك فالقدر وضع محسوم = وماتغرني ياهيه لمعت سرابك
ياالله عسا مايوم يصحبك زيزوم = ولاتشوفك أعيوني ويطول غيابك
سائر وإصُكه وأبتدي سائر أليوم = ياللي عليك ألعلم زهب زهابك
ياحرف خبري فيك تنصى على قوم = زيزوم لاكن ودك اللي غذابك
خلاك في بحر الهوى ناشد العوم = والخوف لا يِطفي بحرهم شهابك
ومن بعدها ياحرف وش عاد بنسوم = لآ دارة أيامك وقفا شبابك
ياكيف في شيبتك بنشن فهجوم = على طواريق الهوى لا مشابك
قافاً مزيّن حيل للخل مرسوم = والخوف دولاب الدهر لاسرابك
ونحاك عن خلك وأمسيت محروم = من شوفت المزيون زايد عذابك
مثل القمر خلك ومن حوله نجوم = هو الوحيد اللي من القلب شابك
سلك الموده ولايجي منه مخصوم = بالعكس زايد عشقهم من حسابك
والشوق يمه محرمك لذت النوم = ياكم ليلاً مجهماً ماهنابك
والياء غفيت أحيان صحتك الحلوم = ثم لهفت أشواقه فقلبك لوابك
ياحرف قفل واللي فالصدر مكتوم = لقصة خليلك لدموع تغشابك
ويشوفها منهو تعود على اللوم = يفرح بها في كل مجلس وشابك

حياك اخوي فايز المحيسن وصح الله لسانك لاهنت على هذه القصيدة الطيبه

ادام الله لك الصحة والعافيه

تقبل تقديري واحترامي

المشاركة الأصلية كتبت بواسطة ابوفياض النويمي (المشاركة 754722) , , , صح لسانك وسلم بنانك قصيدة وافيه من وافي بيض الله وجهك يالذيب اتمنى لك التوفيق اخيك ابو فياض النويمي

المشاركة الأصلية كتبت بواسطة ابوفياض النويمي (المشاركة 754722) , , , صح لسانك وسلم بنانك قصيدة وافيه من وافي بيض الله وجهك يالذيب اتمنى لك التوفيق اخيك ابو فياض النويمي

المشاركة الأصلية كتبت بواسطة محمدعبدالكريم (المشاركة 754801) حياك اخوي فايز المحيسن وصح الله لسانك لاهنت على هذه القصيدة الطيبه ادام الله لك الصحة والعافيه تقبل تقديري واحترامي

المشاركة الأصلية كتبت بواسطة عبدالله عتيق الحنيني (المشاركة 755746) صح لسانك مليون على القصيده والله يـعـطـيـك الـعـافيـــــــــــة بيض الله وجهك