بسم الله الرحمن الرحيم

المثل=
سلام مني معطر لك = جنيت قافه من البستان
ارسلت حرفه لجوالك = كامل ولا مسه النقصان
عمار=
ترحيب وافي مثل اصلك = يثبت حضورك مع البرهان
هواك في قافها يملك = ورده من الفل و الريحان
المثل=
احرص على القاف لايهلك = داخل شعورك هوى الوجدان
واللي تعده مثل اهلك = تقدر تضمه مع الاخوان
عمار=
هدي هدي على مهلك = لاتهيم في وصفة الاحضان
سلك الحزن عندهم يسلك = على مقام الصبا والدان
المثل =
لو كان عندي وتر مثلك = تسمع جواب الوتر احزان
ولو يختفي في فالحشا ظلك = مايهدّي الشوق فالولهان
عمار=
عذاب وان جات من خلك = مالان عمر الجفا مالان
يقبل على الصد ويذلك = ويرجع يبا يجدد الي كان
المثل=
لاتضيع فالخاطره خلك = دايم مع الخاطره طربان
وعذب المشاعر اذا دلك = لاتضيع الوصف والعنوان
ان كان درب الامل زلك = آنا فقدته من الحرمان
لكني الآن با قولك = ازرع مساحات للنسيان
عمار=
الوقت هذا يجْبرُلك = تضيع في انغم الالحان
ومن غصنه العذب يقسملك = طريق ونهايته ميزان
دور على خل يرضيلك = لافيه جارح ولاخوان
وختامها الجرح يشكيلك = ماسي الصد والنكران